Diskó og Pönk í Árbæjarsafni

Sunnudaginn 25. júní býðst gestum Árbæjarsafns að upplifa diskó- og pönkstemningu. Á sýningunni "Diskó & Pönk - ólíkir straumar?" geta gestir safnsins virt fyrir sér ýmsa muni frá árunum 1975 - 1985 og fengið tilfinningu fyrir tíðarandanum. Auk þess má grípa í hljófæri í æfingaraðstöðu pönkhljómsveitar og stíga dans á ljósagólfi "Hollywood".

Klukkan 14:00 munu leikarar Götuleikhússins, sem starfar á vegum Hins hússins, standa fyrir fjörugum uppákomum í tengslum við sýninguna.

Allir eru velkomnir í Árbæjarsafn að kynnast sögu Reykjavíkur og njóta góðra stunda.