Jafnt í hálfleik Globen

Staðan í fyrri leik Íslendinga og Svía um laust sæti á HM í handbolta er jöfn 13-13 þegar flautað hefur verið til hálfleiks í Globen í Stokkhólmi. Svíar höfðu undirtökin allan fyrri hálfleikinn, en þrátt fyrir nokkuð mótlæti tókst íslensku stráknum að jafna í blálokin með miklu harðfylgi.

Peter Genzel hefur varið 13 skot í marki Svía þar af 10 þeirra fyrstu 20 mínútur leiksins. Stefan Lövgren er með 3 mörk og 7 stoðsendingar í liði Svía í fyrri hálfleiknum. Kim Andersen er markahæstur Svía með 4 mörk öll á fyrstu 13 mínútum leiksins.

Snorri Steinn Guðjónsson er búinn að skora 4 mörk fyrir íslenska liðið þar af tvö þeirra úr vítaköstum og Arnór Atlason kemur honum næstur með 3 mörk. Ólafur Stefánsson er búinn að klikka á öllum sex skotum sínum í leiknum til þess þar af einu af vítalínunni. Birkir Ívar Guðmundsson er búyinn að verja 6 skot í íslenska markinu.