Eiður til Barcelona?

Eiður Smári Guðjohnsen gæti verið rétti maðurinn til þess að leysa af Henke Larsson í Barcelona. Fréttir herma að fyrrum leikmaður Manchester United, Diego Forlan sé fyrsti kostur Evrópumeistarana. Ef það gengur ekki upp þá er Eiður Smári næstur á listanum.

Samkvæmt spænska blaðinu Marca þá er Eiður Smári eitt að þeim nöfnum sem þjálfari Barcelona Frank Rijkaard er að velta fyrir sér. Marca segir að Rijkaard hafi hitt forráðamenn Barcelona í gær til þess að leggja á ráðin fyrir næsta tímabil.

Nú þegar Larsson er að fara og hugsanlega Maxi Lopez líka er þörf fyrir nýjan sóknarmann á Nou Camp.

Aðrir sem gætu komið til greina eru Diego Milito hjá Real Zaragoza og framherjar Juventus þeir David Trezeguet og Zlatan Ibrahimovic.