Frímann á iTunes

Aðdáendum gamanþáttarins Sigtið, sem var nýverið tilnefndur til Eddu-verðlaunanna, gefst nú kostur á að nálgast þáttinn á iTunes. Hægt er að sækja þáttinn á vefslóðinni www.podcast.is og horfa á hann beint í tölvunni eða flytja hann yfir á iPod og horfa á hann hvar sem er.

Sýningar á nýrri þáttaröð Sigtisins hófust í október og eru þeir þættir í boði á iTunes. Auk þess er hægt að sækja stuttar dagbókarfærslur með atriðum sem hafa ekki sést í þáttunum.