Minna veiðist nú af þorski og ýsu

Heildarafli íslenskra skipa það sem af er árinu 2006 nemur rúmum 1.054.000 tonnum og er það 356.000 tonna minni afli en á sama tímabili árið 2005 að því er fram kemur á heimasíðu Hagstofunnar.

Heildarafli íslenskra skipa í nýliðnum septembermánuði var 6,8 prósentum meiri en í sama mánuði í fyrra. Það sem af er árinu hefur aflinn dregist saman um 6,3 prósent miðað við sama tímabil árið 2005 sé aflinn metinn á föstu verði.

Í september 2006 dróst þorskafli saman um rúm 400 tonn og ýsuaflinn um 500 tonn.