Með minni háttar meiðsl

Rúmlega fertugur maður slapp lítið meiddur eftir að hafa ekið bifreið sinni út af á Reykjanesbraut í fyrrinótt. Slökkvilið höfuðborgarsvæðisins var kallað til þar sem klippa þurfti manninn út úr bifreiðinni en hún valt utan vegar.

Lögreglan í Hafnarfirði fékk tilkynningu um bílveltuna um hálf fimm leytið í fyrrinótt og fóru lögreglumenn á vettvang þegar í stað. Mildi þykir að ekki fór verr en að sögn varðstjóra í lögreglunni í Hafnarfirði leikur grunur á því að ökumaður bifreiðarinnar hafi verið ölvaður. Unnið verður áfram að rannsókn málsins.