Hagkerfið í Færeyjum vex

Danski Seðla­bankinn býst áfram við áfram­haldandi framþróun í færeyska hagkerfinu. Eftir nokkur samdráttarár sýnir færeyska hagkerfið framfarir. Þetta sést sérstaklega á hækkandi launum og umbótum á vinnumarkaði.

Hagvöxtur er drifinn áfram af háu fiskverði og vaxandi fjárfestingu í fasteignum.

Þrátt fyrir aukinn innflutning skipa og hækkandi olíuverð var viðskiptajöfnuður jákvæður á síðasta ári. Á síðasta ári nam halli á fjárlögum tveimur prósentum af landsframleiðslu en spár Danska Seðlabankans gera ráð fyrir því að ríkisfjármálin verði í jafnvægi árið 2006.