Björgvin og Lúðvík í 1. sæti

Þingmennirnir Björgvin G. Sigurðsson og Lúðvík Bergvinsson sækjast báðir eftir fyrsta sætinu í prófkjöri Samfylkingarinnar í Suðurkjördæmi.

Björgvin var kjörinn á þing í síðustu kosningum en var varaþingmaður kjörtímabilið á undan. Lúðvík hefur setið á þingi síðan 1995, fyrst fyrir Alþýðuflokkinn. Í síðustu kosningum var Lúðvík í öðru sæti á lista Samfylkingarinnar í Suðurkjördæmi og Björgvin í því þriðja. Jón Gunnarsson, sem þá skipaði fjórða sætið, sækist einnig eftir fyrsta sætinu.

Margrét Frímannsdóttir er oddviti Samfylkingarinnar í kjördæminu en hún sækist ekki eftir endurkjöri.