Fjórir teknir með fíkniefni

Fjórir karlmenn um þrítugt og fertugt voru handteknir á gistiheimili í Holtunum um fjögur leytið í fyrrinótt þar sem þeir sátu við neyslu fíkniefna.

Húsráðandi tilkynnti til lögreglu að menn væru að meðhöndla fíkniefni inni á einu herbergja gistiheimilisins. Þegar lögregla kom á vettvang og bar að dyrum, blöstu við þeim leifar áætlaðra fíkniefna á borði í herberginu. Efnið var hvítt og duftkennt.

Mennirnir voru allir handteknir og færðir til yfirheyrslu. Þeim var sleppt að þeim loknum og málið telst upplýst. Játning liggur fyrir.