Þjófar og þjófsnautar 14. desember 2005 21:38 Ef einhver stelur frá mér er hann þjófur. Ef einhver tekur við einhverju sem er stolið frá mér er hann þjófsnautur. Eigur mínar njóta verndar. Þetta er grundvallaratriði. Þess vegna held ég að Hæstiréttur hljóti að dæma öðruvísi í lögbannsmáli Jónínu Benediktsdóttur en Héraðsdómur. Tjáningarfrelsið þvælist vissulega þarna fyrir, en í meginatriðum getur það ekki verið sett skör ofar eignarréttinum. Ef gögn eru tekin ófrjálsri hendi í því skyni að upplýsa glæpsamlegt athæfi getur hugsanlega gegnt öðru máli. En í tölvupósti Jónínu Benediktsdóttur verður ekki séð að sé neitt að finna sem getur talist glæpur – þarna eru kannski skrítnar hugmyndir um þjóðfélagið – en slíkt varðar ekki við lög. Hví er ekki rannsakað hvar Fréttablaðið fékk þessi gögn? Ég hef unnið lengi sem blaðamaður, en get með engu móti skrifað undir að við í þessari stétt séum svo mikilvæg að við séum með einhverjum hætti hafin yfir lög. Það er bara bábilja – í versta falli skálkaskjól. --- --- --- Ef allir þeir sem heimta nú afsögn Árna Magnússonar, tala um glöp og valdníðslu, hefðu mótmælt brottrekstri Valgerðar Bjarnadóttur á sínum tíma horfði málið dálítið öðruvísi við. Mig er kannski að misminna, en mig rekur varla minni til að neinn hafi talað máli hinnar bottreknu jafnréttisstýru. Því virkar þessi umræða dálítið hræsnisfull, en kannski er ekki von á öðru frá stjórnarandstöðu sem hrekst um og finnur ekki neitt sem getur orðið henni að vopni. --- --- --- Alveg er ég sammála femínistunum sem deila á fegurðarsamkeppnir. Mér finnst þær lágkúrulegar, asnalegar, leiðinlegar. Þegar ég var að alast upp var litið niður á fegurðarsamkeppnir - konur sem tóku þátt í þeim þóttu ekki á vetur setjandi. Fegurðardís ein sem var í mínum bekk vann einhvern slíkan titil; ég held að hann hafi verið henni til tómrar óhamingju innan um gáfnasnobbin í MR. Ég gat fyrst litið hana réttu auga þegar ég hitti hana í Melabúðinni tuttugu árum síðar. Svo komust fegurðarsamkeppnir aftur í tísku um tíma, en ég held að þær séu það ekki lengur. Þessi samkoma í Kína þar sem Unnur Birna vann titilinn um kvöldið virkaði vægast sagt sjoppuleg. Eða veit einhver lesandi hver var Ungfrú Heimur í fyrra eða hittifyrra? Viltu birta grein á Vísi? Sendu okkur póst. Senda grein Pistlar Silfur Egils Skoðanir Mest lesið Stærðfræðikennari sem kann ekki að reikna? (Og getur ekki lært það!) Brynjólfur Þorvarðsson Skoðun Íslendingar greiða sama hlutfall útgjalda í mat og Norðurlöndin Margrét Gísladóttir Skoðun Laxaharmleikur Jóhannes Sturlaugsson Skoðun Lýðræðið í skötulíki! Lilja Rafney Magnúsdóttir Skoðun Ef Veðurstofan spáði vitlausu veðri í 40 ár, væri það bara í lagi? Björn Ólafsson Skoðun Krónan, Nettó, Hagkaup, Bónus - það er kominn tími á formlega sniðgöngu Helen Ólafsdóttir Skoðun Málfrelsi og mörk þess á vettvangi lýðræðisins Helga Vala Helgadóttir Skoðun „Finnst ykkur skrýtið að ég mæti á Austurvöll – Pabba mínum var fórnað á altari niðurskurðar“ Davíð Bergmann Skoðun Heimaþjónusta og velferðartækni: Lykillinn að sjálfbæru heilbrigðiskerfi Auður Guðmundsdóttir Skoðun Hvers vegna skipta hagsmunir verslanakeðja meira máli en öryggi barna í Ásahverfi Reykjanesbæ? Ólafur Ívar Jónsson Skoðun
Ef einhver stelur frá mér er hann þjófur. Ef einhver tekur við einhverju sem er stolið frá mér er hann þjófsnautur. Eigur mínar njóta verndar. Þetta er grundvallaratriði. Þess vegna held ég að Hæstiréttur hljóti að dæma öðruvísi í lögbannsmáli Jónínu Benediktsdóttur en Héraðsdómur. Tjáningarfrelsið þvælist vissulega þarna fyrir, en í meginatriðum getur það ekki verið sett skör ofar eignarréttinum. Ef gögn eru tekin ófrjálsri hendi í því skyni að upplýsa glæpsamlegt athæfi getur hugsanlega gegnt öðru máli. En í tölvupósti Jónínu Benediktsdóttur verður ekki séð að sé neitt að finna sem getur talist glæpur – þarna eru kannski skrítnar hugmyndir um þjóðfélagið – en slíkt varðar ekki við lög. Hví er ekki rannsakað hvar Fréttablaðið fékk þessi gögn? Ég hef unnið lengi sem blaðamaður, en get með engu móti skrifað undir að við í þessari stétt séum svo mikilvæg að við séum með einhverjum hætti hafin yfir lög. Það er bara bábilja – í versta falli skálkaskjól. --- --- --- Ef allir þeir sem heimta nú afsögn Árna Magnússonar, tala um glöp og valdníðslu, hefðu mótmælt brottrekstri Valgerðar Bjarnadóttur á sínum tíma horfði málið dálítið öðruvísi við. Mig er kannski að misminna, en mig rekur varla minni til að neinn hafi talað máli hinnar bottreknu jafnréttisstýru. Því virkar þessi umræða dálítið hræsnisfull, en kannski er ekki von á öðru frá stjórnarandstöðu sem hrekst um og finnur ekki neitt sem getur orðið henni að vopni. --- --- --- Alveg er ég sammála femínistunum sem deila á fegurðarsamkeppnir. Mér finnst þær lágkúrulegar, asnalegar, leiðinlegar. Þegar ég var að alast upp var litið niður á fegurðarsamkeppnir - konur sem tóku þátt í þeim þóttu ekki á vetur setjandi. Fegurðardís ein sem var í mínum bekk vann einhvern slíkan titil; ég held að hann hafi verið henni til tómrar óhamingju innan um gáfnasnobbin í MR. Ég gat fyrst litið hana réttu auga þegar ég hitti hana í Melabúðinni tuttugu árum síðar. Svo komust fegurðarsamkeppnir aftur í tísku um tíma, en ég held að þær séu það ekki lengur. Þessi samkoma í Kína þar sem Unnur Birna vann titilinn um kvöldið virkaði vægast sagt sjoppuleg. Eða veit einhver lesandi hver var Ungfrú Heimur í fyrra eða hittifyrra?
„Finnst ykkur skrýtið að ég mæti á Austurvöll – Pabba mínum var fórnað á altari niðurskurðar“ Davíð Bergmann Skoðun
Heimaþjónusta og velferðartækni: Lykillinn að sjálfbæru heilbrigðiskerfi Auður Guðmundsdóttir Skoðun
Hvers vegna skipta hagsmunir verslanakeðja meira máli en öryggi barna í Ásahverfi Reykjanesbæ? Ólafur Ívar Jónsson Skoðun
„Finnst ykkur skrýtið að ég mæti á Austurvöll – Pabba mínum var fórnað á altari niðurskurðar“ Davíð Bergmann Skoðun
Heimaþjónusta og velferðartækni: Lykillinn að sjálfbæru heilbrigðiskerfi Auður Guðmundsdóttir Skoðun
Hvers vegna skipta hagsmunir verslanakeðja meira máli en öryggi barna í Ásahverfi Reykjanesbæ? Ólafur Ívar Jónsson Skoðun