Everton og Bolton líklegust til að hreppa Keane

Nú líður senn að því að Roy Keane taki ákvörðun um hvar hann ætlar að ljúka ferli sínum sem knattspyrnumaður og samkvæmt fréttum frá Bretlandi, þykja Bolton og Everton líklegustu liðin til að fá hann í sínar raðir af þeirri einföldu ástæðu að hann hefur gefið út að hann vilji ekki flytja of langt með fjölskyldu sína.

Launakröfur Keane gera það að verkum að mörg þeirra liða sem hafa falast eftir þjónustu hans hafa hreinlega ekki efni á honum, en það ætti að ráðast fljótlega hvar Írinn harðskeytti sest að og spilar.