Ævintýralegur sigur Blackburn

Leikjum kvöldsins í enska deildarbikarnum er senn lokið, en leikur Bolton og Leicester fór í framlengingu eftir að staðan var 0-0 eftir 90 mínútur. Blackburn vann frækinn sigur á Hermanni Hreiðarssyni og félögum í Charlton 3-2 á útivelli, eftir að hafa verið undir 2-0 lengst af í leiknum. Manchester United vann auðveldan 3-1 sigur á West Brom.

Wigan vann sigur á Newcastle 1-0 og Middlesbrough sigraði Crystal Palace 2-1. Loks vann Liverpool 2-0 sigur á botnliði Sunderland á útivelli.