David Moyes er ekki falur

Forráðamenn Everton hafa brugðist harkalega við getgátum um að David Moyes verði næsti knattspyrnustjóri skoska stórliðsins Glasgow Rangers, en Alex McLeish stjóra Rangers hefur verið gefinn tveggja vikna frestur til að rétta hag skosku meistaranna, ella verði honum vikið úr starfi.

Moyes undirritaði nýjan fimm ára samning við Everton á síðustu leiktíð og þó liðið hafi byrjað skelfilega á þessari leiktíð, hefur það náð að rétta úr kútnum og er komið á ágætis ról í deildinni. Talsmaður Everton var því ekki hrifinn af því að stjórinn væri orðaður við annað lið.

"Við höfum ekki fengið nein tilboð frá Rangers varðandi David Moyes, enda myndum við ekki svara þeim," sagði Ian Ross