Ekki hrifinn af vináttulandsleikjum

Alex Ferguson, stjóri Manchester United, íhugar að banna leikmönnum sínum að spila vináttuleik Englands og Argentínu þann 12. nóvember næstkomandi.

"Ég hef aldrei verið mótfallinn því að leikmenn mínir spiluðu landsleiki sem skipta máli, en ég er ekki fylgjandi því að taka áhættu með því að hleypa þeim í leiki sem skipta engu máli. Ég er ekki hrifinn af því að hleypa mönnum mínum í æfingaleiki og ég er viss um að Arsenal og Chelsea eru það ekki heldur. Það eru mikil meiðsli í herbúðum okkar í augnablikinu og því er ég ekki hrifinn af að hleypa mínum mönnum í svona leiki," sagði Ferguson.