McGinley fagnaði sigri

Skoski kylfingurinn Colin Montgomerie varð efstur á peningalistanum í evrópsku mótaröðinni í golfi sem lauk með Volvo Masters mótinu á Spáni í dag. Írinn Paul McGinley fagnaði besta árangri sínum á 14 ára ferli á evrópsku mótaröðinni og fór með sigur á mótinu en hann lauk keppni á 10 undir pari, tveimur höggum betur en Spánverjinn Sergio Garcia sem endaði einn í 2. sæti á Valderrama Golfvellinum.

Colin Montgomerie, sem leiddi á mótinu fyrstu þrjá hringina náði sér ekki á strik í dag og lauk keppni í þriðja sæti ásamt Bretanum Luke Donald og Spánverjanum Jose Maria Olazabal, þremur höggum á eftir McGinley.