Kominn tími til að vinna Arsenal

"Arsenal er eitt besta lið síðustu tíu ára í deildinni og við höfum ekki unnið þá í sex ár, þannig að nú er kominn tími til að snúa þeirri þróun við. Við erum fyrir ofan þá í töflunni núna og vonandi getum við haldið þeirri stöðu," sagði Martin Jol.

Jol segist líka vilja vinna Arsenal, þó ekki væri nema til þess eins að sýna fram á að lið hans væri betra en það var í fyrra. "Þetta verður væntanlega eini heimaleikur okkar við Arsenal í ár og við skulum ekki gleyma þeirri staðreynd að Tottenham hefur aðeins tapað einum heimaleik frá því í desember í fyrra og það var gegn Chelsea nú um daginn. Það styrkir mína menn í trúnni," sagði Jol, en lið hans er sem stendur í þriðja sæti í deildinni og hefur hið unga lið komið nokkuð á óvart í haust.