Sleppt eftir yfirheyrslu um dóp

Tveimur karlmönnum og tveimur konum, sem handtekin voru í íbúð í Kópavogi í gær eftir að talsvert magn fíkniefna fannst þar, hefur verið sleppt. Yfirheyrslum yfir fólkinu lauk síðla dags í gær og telst málið upplýst. Ekki hefur fengist gefið upp um hversu mikið magn var að ræða en ýmsar tegundir fíkniefna fundust á staðnum, þar á meðal kókaín, amfetamín, e-töflur, kannabisefni og læknalyf sem vinsæl eru til misnotkunar í eiturlyfjaheiminum. Búið var að pakka hluta efnanna í smásölueiningar sem rennir stoðum undir það að þau hafi verið ætluð til sölu. Lögregla í Kópavogi naut aðstoðar tollvarða og fíkniefnahunds við húsleitina