Arnór með 7 mörk

Arnór Atlason skoraði sjö mörk og Sigfús Sigurðsson þrjú þegar Magdeburg burstaði Wilhelmshavener, 45-22, í þýsku úrvalsdeildinni í handbolta í gærkvöldi. Gylfi Gylfason skoraði fjögur mörk fyrir Wilhelmshavener. Eftir 20 mínútna leik var staðan 16-5 fyrir Magdeburg. Jalesky Garcia skoraði aðeins tvö mörk þegar Göppingen tapaði fyrir Flensburg með sjö marka mun í gærkvöldi. Flensburg var á heimavelli og sigraði 31-24. Fyrrverandi leikmaður KA, Andreas Stelmokas skoraði 4 mörk fyrir Göppingen. Magdeburg er í fyrsta sæti deildarinnar með 13 stig úr 8 leikjum en Gummersbach er í 2. sæti með 11 stigh eftir 6 leiki.