Tvær breytingar á A-landsliðinu

Tvær breytingar hafa verið gerðar á íslenska A-landsliðshópnum fyrir leikina gegn Pólverjum og Svíum. Helgi Valur Daníelsson og Daði Lárusson koma inn í liðið í stað þeirra Jóhannesar Harðarsonar og Árna Gauts Arasonar. Jóhannes er meiddur og því kemur Helgi Valur inn í hópinn í hans stað, en Árni Gautur fær frí frá leikjunum vegna barnsburðar konu hans, en Daði Lárusson úr liði Íslandsmeistara FH kemur inn í hans stað. Vonast er til þess að Árni geti leikið gegn Svíum, en það skýrist væntanlega ekki fyrr en nær dregur leiknum.