Gervigrasið að reynast vel 3. október 2005 00:01 Átta af hverjum tíu leikmönnum í norsku úrvalsdeildinni vilja ekki að deildakeppnin fari fram á gervigrasvöllum. Þá sýnir sænsk rannsókn að gervigrasvellir draga úr áhuga almennings að fara á völlinn en meiðslahætta leikmanna er hins vegar minni á gervigrasi. Stjarnan í Garðabæ lagði þriðju kynslóð gervigrass á aðalvöll sinn á síðasta ári og þjálfari liðsins segir reynsluna af síðasta sumri mjög góða. "Ég get alveg viðurkennt að ég var svolítið efins í fyrstu. En eftir reynsluna þetta eina ár verð að segja að hún er frábær," segir Jörundur Áki Sveinsson, þjálfari Stjörnunnar í Garðabæ, sem lék heimaleikina í 2. deildinni í sumar á gervigrasvelli félagsins. Stjarnan tryggði sér sæti í 1. deild. Mikil umræða hefur verið í Noregi og Svíþjóð undanfarin misseri hvort gervigras sé heppilegt á aðalvelli liða í úrvalsdeild en þrjú stórlið í Svíþjóð hafa farið þá leið. Um er að ræða Idrottsparken í Sundsvall, Strömvallen í Gefle og nú síðast Borås Arena. Í norsku úrvalsdeildinni er það Aalesund sem spilar á gervigrasi. Leikmenn eru sérstaklega gagnrýnir á gervigrasið. Norsku leikmannasamtökin gerðu skoðanakönnunum á meðal 600 knattspyrnumanna, þar af 50 kvenna, um afstöðu þeirra til þess að spila á gervigrasi. Alls skiluðu 359 inn svörum og niðurstaðan var að áttatíu prósent leikmanna segja nei við gervigrasi í deildarkeppni. Þá segja 75 prósent leikmanna að meiðslahættan sé meiri á gervigrasi. Það er hins vegar röng ályktun samkvæmt því sem rannsókn nefndar á vegum Knattspyrnusambands Evrópu bendir til. Svíinn Jan Ekstrand, sem fer fyrir nefndinni, segir þvert á móti að meiðslahætta á nýjustu gervigrasvöllunum sé minni en á venjulegu grasi. "Gervigrasvellir hafa þróast mikið undanfarin ár. Þetta er gömul klisja með meiðslahættuna," segir Ekstrand við sænska blaðið GP.Jörundur Áki segir að Stjarnan hafi að mestu leyti sloppið við meiðsli undanfarið ár, sem sé athyglisvert. "Þau meiðsli sem við lentum í getum við ekki rakið til gervigrassins heldur var þetta hefðbundið boltahnjask. Við æfðum líka á venjulegu grasi fyrir útileikina og nýttum gervigrasið þegar vellirnir voru mjög blautir í sumar. Reynsla okkar af gervigrasinu var mjög góð í alla staði." Í umræðunni um hvort lengja eigi íslenska keppnistímabilið og fjölga liðum í Landsbankadeild hafa sumir sett spurningarmerki við notkun gervigrass. Jörundur Áki segir að enginn þurfi að óttast gervigrasið í dag því það komist eins nálægt venjulegu grasi eins og hægt sé."Að mínu mati verða gervigrasvellir að vera til staðar ef fjölga á í Landsbankadeildinni og lengja keppnistímabilið. Hjá Stjörnunni er æft við sömu aðstæður allt árið um kring. Gervigrasið er upphitað og ég get ekki fundið neina galla við þetta. Við bleytum grasið fyrir leiki til þess að fá enn eðlilegri tilfinningu fyrir þessu," segir Jörundur Áki.Í Svíþjóð skrifuðu allir leikmenn Gautaborgarliðanna þriggja, IFK Gautaborg, Örgryte og Gais, nýlega undir mótmælaskjal þegar sú hugmynd kom upp að setja gervigras á nýjan leikvang sem verið er að byggja í borginni. Jörundur Áki segir að langflestir leikmenn Stjörnunnar séu sáttir við gervigrasið. Það séu helst elstu leikmennirnir í Stjörnuliðinu sem hafi eitthvað kvartað enda sé erfitt að kenna gömlum hundum að sitja. Niðurstaða rannsóknar við íþróttaháskólann í Gautaborg, sem byggir á viðtölum við leikmenn, sýnir að knattspyrnan á gervigrasvelli sé að þeirra mati nokkuð frábrugðin þeirri sem spilast á venjulegu grasi. Meira sé um þéttan varnarleik og langspyrnur á gervigrasi. Íslenskir þjálfarar sem Fréttablaðið ræddi við eru ekki sammála þessu og benda á að yfirleitt sé miklu meira skorað í leikjum á gervigrasi.Í nóvember sl. ákvað Evrópska knattspyrnusambandið að leyfa gervigras í riðlakeppni HM og Meistaradeild Evrópu en ekki í úrslitum HM og EM. KSÍ skoðar þann möguleika að sauma gervigras í grasið á Laugardalsvelli til þess að styrkja slitfleti og það er sú þróun sem margir horfa til. Íslenski boltinn Mest lesið Sparkaði í brjóstin á mótherja sínum Fótbolti Stúkan birti skilaboðin: „Mér finnst þetta ömurlegt“ Íslenski boltinn Reiðir yfir að fá ekki heita sturtu og kvarta yfir Arsenal Fótbolti Bruno segir að stuðningsfólk Liverpool hafi hjálpað United-liðinu Enski boltinn Þurftu að aflýsa 24 þúsund manna maraþonhlaupi Sport Sagðir vilja kaupa Man United með hjálp Beckham eða Cantona Enski boltinn Dyche snýr aftur í enska boltann Enski boltinn 29 ára stórmeistari látinn Sport Katla fagnaði sitjandi á meðan liðsfélagarnir ærðust í kringum hana Fótbolti „Oft séð svona í sjónvarpi“ og verður sjálfur á stóra skjánum Sport Fleiri fréttir Stúkan birti skilaboðin: „Mér finnst þetta ömurlegt“ „Oft séð svona í sjónvarpi“ og verður sjálfur á stóra skjánum Dyche snýr aftur í enska boltann Reiðir yfir að fá ekki heita sturtu og kvarta yfir Arsenal Sparkaði í brjóstin á mótherja sínum Bruno segir að stuðningsfólk Liverpool hafi hjálpað United-liðinu Dagskráin: Meistaradeild Evrópu, Lokasóknin, VARsjáin og Bónus kvenna Þurftu að aflýsa 24 þúsund manna maraþonhlaupi Sagðir vilja kaupa Man United með hjálp Beckham eða Cantona Katla fagnaði sitjandi á meðan liðsfélagarnir ærðust í kringum hana „Hættulegt að ætla að halda í jafntefli eða tapa bara með einu marki“ Viktor til liðs við frænda sinn og bróður Keflvíkingar komu til baka í seinni hálfleik Uppgjörið: Álftanes - Njarðvík 99-93 | Álftanes vann Njarðvík í bikarnum í hörkuleik Uppgjörið: Fram-Stjarnan 1-1 | Úrslitaleikur um Evrópusæti um næstu helgi West Ham enn stigalaust á heimavelli á leiktíðinni 29 ára stórmeistari látinn Klopp útilokar ekki endurkomu til Liverpool: Það er mögulegt Sigurður Egill svarar yfirlýsingu Vals: Ómakleg og lágkúruleg setning Kraftaverk smábæjarliðsins fullkomnað í kvöld Kristall Máni á skotskónum og fyrsti sigurinn síðan í ágúst Potter talaði sænsku á blaðamannafundinum Stólarnir skotnir niður á jörðina í Tékklandi Sonur Stuart Pearce lést í slysi Nýr stjóri Rangers byrjar gegn Frey „Hefur blundað í manni að taka við félagsliði“ Valinn dómari ársins í þriðja sinn á síðustu fjórum árum Bílstjóri grýttur til dauða eftir körfuboltaleik Skoraði meira í sumar en árin þrjú á undan til samans Halldór út og Ólafur Ingi inn hjá Breiðabliki Sjá meira
Átta af hverjum tíu leikmönnum í norsku úrvalsdeildinni vilja ekki að deildakeppnin fari fram á gervigrasvöllum. Þá sýnir sænsk rannsókn að gervigrasvellir draga úr áhuga almennings að fara á völlinn en meiðslahætta leikmanna er hins vegar minni á gervigrasi. Stjarnan í Garðabæ lagði þriðju kynslóð gervigrass á aðalvöll sinn á síðasta ári og þjálfari liðsins segir reynsluna af síðasta sumri mjög góða. "Ég get alveg viðurkennt að ég var svolítið efins í fyrstu. En eftir reynsluna þetta eina ár verð að segja að hún er frábær," segir Jörundur Áki Sveinsson, þjálfari Stjörnunnar í Garðabæ, sem lék heimaleikina í 2. deildinni í sumar á gervigrasvelli félagsins. Stjarnan tryggði sér sæti í 1. deild. Mikil umræða hefur verið í Noregi og Svíþjóð undanfarin misseri hvort gervigras sé heppilegt á aðalvelli liða í úrvalsdeild en þrjú stórlið í Svíþjóð hafa farið þá leið. Um er að ræða Idrottsparken í Sundsvall, Strömvallen í Gefle og nú síðast Borås Arena. Í norsku úrvalsdeildinni er það Aalesund sem spilar á gervigrasi. Leikmenn eru sérstaklega gagnrýnir á gervigrasið. Norsku leikmannasamtökin gerðu skoðanakönnunum á meðal 600 knattspyrnumanna, þar af 50 kvenna, um afstöðu þeirra til þess að spila á gervigrasi. Alls skiluðu 359 inn svörum og niðurstaðan var að áttatíu prósent leikmanna segja nei við gervigrasi í deildarkeppni. Þá segja 75 prósent leikmanna að meiðslahættan sé meiri á gervigrasi. Það er hins vegar röng ályktun samkvæmt því sem rannsókn nefndar á vegum Knattspyrnusambands Evrópu bendir til. Svíinn Jan Ekstrand, sem fer fyrir nefndinni, segir þvert á móti að meiðslahætta á nýjustu gervigrasvöllunum sé minni en á venjulegu grasi. "Gervigrasvellir hafa þróast mikið undanfarin ár. Þetta er gömul klisja með meiðslahættuna," segir Ekstrand við sænska blaðið GP.Jörundur Áki segir að Stjarnan hafi að mestu leyti sloppið við meiðsli undanfarið ár, sem sé athyglisvert. "Þau meiðsli sem við lentum í getum við ekki rakið til gervigrassins heldur var þetta hefðbundið boltahnjask. Við æfðum líka á venjulegu grasi fyrir útileikina og nýttum gervigrasið þegar vellirnir voru mjög blautir í sumar. Reynsla okkar af gervigrasinu var mjög góð í alla staði." Í umræðunni um hvort lengja eigi íslenska keppnistímabilið og fjölga liðum í Landsbankadeild hafa sumir sett spurningarmerki við notkun gervigrass. Jörundur Áki segir að enginn þurfi að óttast gervigrasið í dag því það komist eins nálægt venjulegu grasi eins og hægt sé."Að mínu mati verða gervigrasvellir að vera til staðar ef fjölga á í Landsbankadeildinni og lengja keppnistímabilið. Hjá Stjörnunni er æft við sömu aðstæður allt árið um kring. Gervigrasið er upphitað og ég get ekki fundið neina galla við þetta. Við bleytum grasið fyrir leiki til þess að fá enn eðlilegri tilfinningu fyrir þessu," segir Jörundur Áki.Í Svíþjóð skrifuðu allir leikmenn Gautaborgarliðanna þriggja, IFK Gautaborg, Örgryte og Gais, nýlega undir mótmælaskjal þegar sú hugmynd kom upp að setja gervigras á nýjan leikvang sem verið er að byggja í borginni. Jörundur Áki segir að langflestir leikmenn Stjörnunnar séu sáttir við gervigrasið. Það séu helst elstu leikmennirnir í Stjörnuliðinu sem hafi eitthvað kvartað enda sé erfitt að kenna gömlum hundum að sitja. Niðurstaða rannsóknar við íþróttaháskólann í Gautaborg, sem byggir á viðtölum við leikmenn, sýnir að knattspyrnan á gervigrasvelli sé að þeirra mati nokkuð frábrugðin þeirri sem spilast á venjulegu grasi. Meira sé um þéttan varnarleik og langspyrnur á gervigrasi. Íslenskir þjálfarar sem Fréttablaðið ræddi við eru ekki sammála þessu og benda á að yfirleitt sé miklu meira skorað í leikjum á gervigrasi.Í nóvember sl. ákvað Evrópska knattspyrnusambandið að leyfa gervigras í riðlakeppni HM og Meistaradeild Evrópu en ekki í úrslitum HM og EM. KSÍ skoðar þann möguleika að sauma gervigras í grasið á Laugardalsvelli til þess að styrkja slitfleti og það er sú þróun sem margir horfa til.
Íslenski boltinn Mest lesið Sparkaði í brjóstin á mótherja sínum Fótbolti Stúkan birti skilaboðin: „Mér finnst þetta ömurlegt“ Íslenski boltinn Reiðir yfir að fá ekki heita sturtu og kvarta yfir Arsenal Fótbolti Bruno segir að stuðningsfólk Liverpool hafi hjálpað United-liðinu Enski boltinn Þurftu að aflýsa 24 þúsund manna maraþonhlaupi Sport Sagðir vilja kaupa Man United með hjálp Beckham eða Cantona Enski boltinn Dyche snýr aftur í enska boltann Enski boltinn 29 ára stórmeistari látinn Sport Katla fagnaði sitjandi á meðan liðsfélagarnir ærðust í kringum hana Fótbolti „Oft séð svona í sjónvarpi“ og verður sjálfur á stóra skjánum Sport Fleiri fréttir Stúkan birti skilaboðin: „Mér finnst þetta ömurlegt“ „Oft séð svona í sjónvarpi“ og verður sjálfur á stóra skjánum Dyche snýr aftur í enska boltann Reiðir yfir að fá ekki heita sturtu og kvarta yfir Arsenal Sparkaði í brjóstin á mótherja sínum Bruno segir að stuðningsfólk Liverpool hafi hjálpað United-liðinu Dagskráin: Meistaradeild Evrópu, Lokasóknin, VARsjáin og Bónus kvenna Þurftu að aflýsa 24 þúsund manna maraþonhlaupi Sagðir vilja kaupa Man United með hjálp Beckham eða Cantona Katla fagnaði sitjandi á meðan liðsfélagarnir ærðust í kringum hana „Hættulegt að ætla að halda í jafntefli eða tapa bara með einu marki“ Viktor til liðs við frænda sinn og bróður Keflvíkingar komu til baka í seinni hálfleik Uppgjörið: Álftanes - Njarðvík 99-93 | Álftanes vann Njarðvík í bikarnum í hörkuleik Uppgjörið: Fram-Stjarnan 1-1 | Úrslitaleikur um Evrópusæti um næstu helgi West Ham enn stigalaust á heimavelli á leiktíðinni 29 ára stórmeistari látinn Klopp útilokar ekki endurkomu til Liverpool: Það er mögulegt Sigurður Egill svarar yfirlýsingu Vals: Ómakleg og lágkúruleg setning Kraftaverk smábæjarliðsins fullkomnað í kvöld Kristall Máni á skotskónum og fyrsti sigurinn síðan í ágúst Potter talaði sænsku á blaðamannafundinum Stólarnir skotnir niður á jörðina í Tékklandi Sonur Stuart Pearce lést í slysi Nýr stjóri Rangers byrjar gegn Frey „Hefur blundað í manni að taka við félagsliði“ Valinn dómari ársins í þriðja sinn á síðustu fjórum árum Bílstjóri grýttur til dauða eftir körfuboltaleik Skoraði meira í sumar en árin þrjú á undan til samans Halldór út og Ólafur Ingi inn hjá Breiðabliki Sjá meira