Óvæntur fyrsti sigur Sunderland

Nýliðar Sunderland unnu loksins sinn fyrsta sigur í ensku úrvalsdeildinni í knattspyrnu í dag, þegar þeir lögðu granna sína í Middlesbrough mjög óvænt á útivelli, 2-0. Það var Tommy miller sem skoraði fyrra marg gestanna strax á annari mínútu leiksins og Julio Arca bætti öðru markinu við eftir klukkutíma leik. Sunderland hefur átt afar erfitt uppdráttar í upphafi leiktíðar og ekki hægt að segja að menn hafi spáð því að þetta yrði fyrsti sigurleikur liðsins á tímabilinu. Middlesbrough hefur valdið stuðningsmönnum sínum gríðarlegum vonbrigðum í upphafi leiktíðar og hefur spilamennska liðsins verið afar sveiflukennd. Með sigrinum lyftir Sunderland sér af botni deildarinnar, þar sem Everton situr nú með aðeins þrjú stig og þar á bæ eru menn heldur ekki kátir með gengi sinna manna.