Jafnt hjá Birmingham og Liverpool

Birmingham og Liverpool gerðu jafntefli 2-2 á St Andrews vellinum nú áðan í æsilegum leik í ensku úrvalsdeildinni. Fyrri hálfleikurinn var ansi bragðdaufur og stefndi í enn einn markalausan leik hjá liðinu úr Bítlaborginni. Í þeim síðari færðist þó heldur betur fjör í leikinn og Luis Garcia skoraði fyrsta markið fyrir gestina eftir 68 mínútur. Stephen Warnock jafnaði metin fyrir Birmingham aðeins fjórum mínútum síðar með því að skora sjálfsmark og "Riffillinn" Walter Pandiani kom heimamönnum yfir í þremur mínútum síðar. Það var svo Djibril Cisse sem skoraði jöfnunarmark Liverpool úr vítaspyrnu þegar um átta mínútur voru eftir af leiknum, eftir að Neil Kilkenny hafði varið skot með hendinni.