Hnefaleikari lætur lífið

Bandaríski hnefaleikarinn Levander Johnson lét lífið á sjúkrahúsi í gær eftir að blætt hafði inn á heila hans í bardaga gegn mexókóska boxaranum Jesus Chaves á laugardaginn. Johnson var 35 ára gamall og var fluttur í skyndi á sjúkrahús eftir að hafa tapað bardaganum í 11. lotu, en hann féll í yfirlið í búningsherbergi eftir bardagann. Læknar á sjúkrahúsinu sögðu að hann hefði látist af völdum mikilla blæðinga inn á heilann, en bentu á að hann hefði dáið friðsamlega.