Rafa fer ekki fet

Fregnir bárust af því í morgun að spænska stórveldið Real Madrid væri að íhuga að nálgast Rafael Benitez stjóra Liverpool, sem næsta knattspyrnustjóra liðsins, en spænska liðinu hefur gengið afleitlega í síðustu leikjum. Rick Parry, yfirmaður knattspyrnumála hjá Liverpool, var þó fljótur að blása á þessi tíðindi og sagði að Benitez færi ekki fet. "Benitez er ekki að fara neitt, hann er maðurinn sem færir titlana í hús hjá Liverpool og hann hefur sama metnað og við til að halda áfram að vinna titla. Því í ósköpunum ættum við að skilja við hann á þessari stundu," sagði Rick Parry.