Gardner frá í tvo mánuði

Varnarmaðurinn Anthony Gardner hjá Tottenham Hotspurs, verður frá keppni í tvo mánuði vegna meiðsla á læri sem hann hlaut í leiknum gegn Aston Villa á laugardag. Þetta kom í ljós eftir að hann fór í læknisskoðun í morgun. Þetta er Martin Jol og félögum nokkuð áfall, því Gardner hefur náð að festa sig í sessi í byrjunarliði Tottenham á síðustu vikum. Þetta er nokkuð í takt við það sem verið hefur hjá liði Tottenham, því svo virðist sem ár og dagar séu síðan ekki voru fimm til sjö leikmenn á meiðslalista í aðalliði félagsins.