Borgvardt kom inn fyrir Østenstad

Allan Borgvardt lék síðustu 5 mínúturnar með Viking sem tapaði 1-0 fyrir Odd Grenland í norsku úrvalsdeildinni í knattspyrnu nú síðdegis. Allan kom inn á sem varamaður fyrir Egil Østenstad. Stefán Gíslason lék allan tímann í liði Lyn sem tapaði fyrir Ham Kam 1-0. Við hlið Stefáns á miðjunni lék John Obi Mikel, 18 ára nígerískur strákur sem Man Utd og Chelsea berjast hatrammri baráttu þessa dagana um að fá til sín. Haraldur Freyr Guðmundsson var hins vegar ekki í leikmannhópi Aalesund sem gerði 1-1 jafntefli við Bodø/Glimt. Árni Gautur Arason er í markinu hjá Vålerenga sem er að leika við Lillestrøm en sá leikur hófst kl. 18:15. Vålerenga er efst í deildinni með 44 stig eftir 21 leik, Start í 2. sæti með 41 stig og á leik til góða. Viking í 3. sæti með 37 stig eins og Lillestrøm sem er í 4. sæti.