Tvöfaldur sigur Hauka

Karla- og kvennalið Hauka gerðu það gott í Evrópukeppninni í handknattleik í gær, en karlaliðið er komið í Meistaradeild Evrópu eftir öruggan sigur á austurríska liðinu Berchem. Kvennaliðið tapaði síðari leik sínum við ítalska liðið Pelplast með sex marka mun ytra, en er samt komið áfram eftir stórsigur í fyrri leiknum. Haukastúlkur mæta svissneska liðinu Ottmar St. Gallen í næstu umferð, sem fram fer í byrjun næsta mánaðar, en karlaliðið er komið í riðlakeppni Meistaradeildarinnar og leika þar með Arhus frá Danmörku, Meran frá Ítalíu og Gorenje Velenje frá Slóveníu.