Húsfélag sýknað af skaðabótakröfu

Héraðsdómur Reykjavíkur sýknaði í dag Húsfélagið að Lágmúla 5 af skaðabótakröfum konu sem datt fyrir utan húsið í lok janúar árið 2002 og ökklabrotnaði við það og sneri sig á hné. Varanleg örorka hennar var metin 15% eftir slysið. Konan krafðist rúmra tíu milljóna króna í bætur, auk vaxta, en sem fyrr segir var þeirri kröfu hafnað þar sem dómari taldi stefnanda hafa borið að sýna eðlilega varkárni og aðgát í myrkrinu sem var þegar slysið varð og það megi því rekja til óhappatilviks sem ekki sé á ábyrgð fasteignaeigenda. .