Fíknefni í bílhurð

Lögreglan í Borgarnesi handtók aðafaranótt laugardags par sem hafði í fórum sér fimm til tíu grömm af kannabisefnum. Leitað var bæði í húsi og bifreið hinna grunuðu. Efnin fundust með hjálp fíkniefnahunds og voru falin inni í bílhurð. Lögreglan í Borgarnesi kveðst ánægð með frammistöðu leitarhundsins. Hundurinn og þjálfari hans hafa verið við æfingar síðasta árið. Þetta var fyrsta verkefni hundsins Týs, sem er er ætlað að þjóna öllum umdæmum Vesturlands. Parið er á þrítugsaldri og hefur áður komið við sögu lögreglu.