Owen kýs Newcastle

Michael Owen samþykkti í morgun að ganga til liðs við Newcastle United og fer í læknisskoðun hjá liðinu í dag. Hann mun því væntanlega skrifa undir samning við norðanliðið fljótlega, en hann verður um leið dýrasti leikmaður í sögu félagsins. "Það að fá Owen hingað á St James´ Park verður það besta sem ég hef gert í starfi mínu hjá félaginu ásamt því að kaupa Alan Shearer," sagði Freddy Shepherd, stjórnarformaður Newcastle, þegar ljóst var að Owen hefði valið Newcastle.