Ronaldo með tvö fyrir Real Madrid

Brasilíski sóknarmaðurinn Ronaldo skoraði tvö mörk fyrir Real Madrid sem vann 3-1 sigur á japanska liðinu Jubilo Iwata í æfingaleik í kvöld en spænska liðið er nú í æfingaferð niðri í Asíu. Fyrirliðinn Raul skoraði eitt mark þegar hann kom Real í 1-0 áður en heimaliðið náði að jafna. Real Madrid hóf Asíuæfingaferðina á mánudag þegar stjörnum prýtt liðið tapaði niðurlægjandi fyrir Tokyo Verdy, 3-0. Þar lenti David Beckham í margumræddu atviki þegar hann sakaði leikmann Tokyo liðsins um að hafa hrækt á sig og urðu uppþot milli leikmanna í hálfleik.