Á 164 kílómetra hraða

Ökumaður á yfir höfði sér sviptingu ökuréttinda eftir að bifreið hans mældist á 164 kílómetra hraða á Reykjanesbraut við Bústaðaveg á ellefta tímanum í fyrrakvöld. Hámarkshraði þar er 70 kílómetrar á klukkustund og keyrði ökumaðurinn því meira en níutíu kílómetrum á klukkustund of hratt. Lögregla stöðvaði ökumanninn og fékk hann að halda för sinni áfram eftir að af honum var tekin skýrsla að sögn lögreglu. Hann verður auk ökuréttindamissisins krafinn um háa sekt.