Fósturafi dæmdur

Maður var dæmdur í tólf mánaða fangelsi og einnig til þess að greiða fjögurhundruð þúsund krónur í skaðabætur fyrir að hafa brotið kynferðislega á dóttur fósturdóttur sinnar. Maðurinn játaði að hafa í þrjú til fimm skipti nuddað kynfæri stúlkunar sem þá var níu ára og látið hana fróa sér. Við aðalmeðferð málsins var leikin myndbandsupptaka þar sem stúlkan segir frá því að maðurinn hafi fiktað við kynfæri hennar, tekið hana úr nærbuxum og komið við þau innanklæða. Var þá stúlkan gestur á heimili ömmu sinnar og fósturafa en amma stúlkunnar var í svefnherbergi sínu þegar atburðirnir áttu sér stað. Upp komst um málið þegar móðir stúlkunnar fékk hana til frásagnar eftir að stúlkan hafði sagst eiga leyndarmál með afa og kom þá fram hjá stúlkunni að hann borgaði henni fyrir að ódæðinu loknu. Maðurinn játaði sök en sagðist ekki muna skýrt eftir atburðunum né var hann viss um hvað sér stóð til með þeim en hann sagðist ekki hafa notið þessara athæfa kynferðislega.