Fer vel af stað 31. maí 2005 00:01 Íslenski fótboltinn er farinn af stað þetta árið og eins og vanalega eru viðbrigðin talsverð fyrir hinn almenna boltafíkil sem hefur verið límdur fyrir framan skjáinn nánast hverja einustu helgi í vetur. Maður er búinn að dvelja mikið í sófanum og fylgjast grannt með bestu knattspyrnumönnum heims undanfarna mánuði, svo skyndilega fer maður að mæta á leiki í kulda og roki á völlum þar sem áhorfendur (oft fáir) virðast halda að þeir séu staddir í leikhúsi. Það er samt alltaf viss sjarmi yfir íslenska fótboltanum og skemmtilegt andrúmsloft sem skapast þennan stutta tíma á ári sem fótboltamenn landsins hópast á grasvellina og sparka eins og þeir eigi lífið að leysa. Svona gengur þetta fyrir sig ár eftir ár, það eru alltaf svipað mikil viðbrigði að skipta frá Meistaradeildinni og stærstu deildum Evrópu yfir í íslenska fótboltann. Maður hélt að þetta myndi aldrei venjast. Þetta árið virðist þó farið að birta ansi mikið til og viðbrigðin eru ekki nærri því jafn mikil og oft áður. Íslandsmótið í fyrra olli mörgum manninum miklum vonbrigðum, varnarleikurinn var oft í hávegum hafður og lið voru ekkert mikið fyrir að spila fótbolta. Að þessu sinni fer mótið þó bara mjög vel af stað og mun fleiri mörk líta dagsins ljós. Liðin koma vel undan vetri, leikirnir eru opnari og skemmtilegri, nýjar "stjörnur" hafa fæðst og liðin virðast njóta þess til hins ítrasta að spila fótbolta... flest þeirra að minnsta kosti. Flæði erlendra leikmanna hefur sett sinn svip á Íslandsmótið en deila má um hvort það er af hinu góða eða slæma. Ef réttu leikmennirnir fást setja þeir mjög skemmtilegan lit á mótið en ljóst er að sum lið þurfa að líta í eigin barm og vanda valið þegar kemur að þessum málum. Þessir erlendu leikmenn verða að vera betri en þeir leikmenn sem fyrir eru en ekki hindra það að ungir íslenskir leikmenn geti sýnt sig og sannað. Borgvardt og Nielsen hjá FH hafa verið meðal allra bestu leikmanna Íslandsmótsins síðustu ár og eru önnur lið í örvæntingarfullri tilraun til að fá sama happdrættisvinning og Fimleikafélagið fékk. Eftir fyrstu umferðir mótsins eru nokkrir erlendir leikmenn sem standa upp úr, þriðji Daninn hjá FH er feikilega öflugur leikmaður með frábærar spyrnur og Framarar virðast hafa náð í góða útlendinga svo einhverjir séu nefndir. Á móti er hægt að nefna fjölda leikmanna sem virðast lítið geta til að bæta þau lið sem þeir eru hjá. Til að mynda var Þróttur með tvo erlenda leikmenn á varamannabekk sínum í síðasta leik meðan allir byrjunarliðsmennirnir voru íslenskir. Mótið er stutt, aðeins átján leikir. Lítið má út af bregða til að lenda í ógöngum og virðast íslenskir þjálfarar ekki þora að tefla fram ungum leikmönnum með litla sem enga reynslu af meistaraflokki. Á þessu eru þó til undantekningar og hafa ungir leikmenn látið til sín taka í byrjun móts. Gunnar Kristjánsson hjá KR skapar mikla hættu með hraða sínum og hefur heillað marga stuðningsmenn liðsins, Heiðar Geir Júlíusson hefur átt góðar innkomur hjá Fram með baráttuvilja og hraða og þá hefur Ragnar Sigurðsson, leikmaður Fylkis, varla stigið feilspor það sem af er móti svo einhverjir séu nefndir. Já, það er gaman, eftir vonbrigðin síðasta sumar er íslenski boltinn risinn aftur upp af krafti og fullt af ljósum punktum. Ekkert markalaust jafntefli hefur enn litið dagsins ljós þegar þessi orð eru skrifuð og skulum við bara vona að þetta haldi áfram á þessari braut. Það eina sem gæti skemmt eitthvað gamanið væri það ef spennan um dolluna góðu yrði einfaldlega ekki til staðar. Eins og þetta fer af stað þá óttast ég það... eða ég er eiginlega viss um það! FH-ingar bera höfuð og herðar yfir önnur lið og eru líklegir til að rúlla þessu upp, hafa feikilega sterkan leikmannahóp og spila oft á tíðum glimrandi bolta. Þó þeir stingi líklegast af á maður bara að njóta þess að horfa á skemmtilegan sóknarfótbolta hér á landi meðan hann er til staðar. Ég vonast eftir að þetta haldi áfram á sömu braut, við munum eiga von á enn fleiri mörkum og toppknattspyrnusumar er nýfarið af stað. Elvar Geir Magnússon -elvar@frettabladid.is Viltu birta grein á Vísi? Sendu okkur póst. Senda grein Gestapennar Í brennidepli Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Hver ætlar að bera ábyrgð á mannslífi? Sævar Þór Jónsson Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Horfumst í augu Kristín Thoroddsen Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Skólarnir lokaðir - myglan vinnur Guðmundur Þórir Sigurðsson Skoðun Lægjum öldurnar Halla Hrund Logadóttir Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun Skoðun Skoðun Er útlegð á innleið? Reyn Alpha Magnúsdóttir skrifar Skoðun Leiðsögundurinn Gaur gerir mig að betri manneskju Þorkell J. Steindal skrifar Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Sjá meira
Íslenski fótboltinn er farinn af stað þetta árið og eins og vanalega eru viðbrigðin talsverð fyrir hinn almenna boltafíkil sem hefur verið límdur fyrir framan skjáinn nánast hverja einustu helgi í vetur. Maður er búinn að dvelja mikið í sófanum og fylgjast grannt með bestu knattspyrnumönnum heims undanfarna mánuði, svo skyndilega fer maður að mæta á leiki í kulda og roki á völlum þar sem áhorfendur (oft fáir) virðast halda að þeir séu staddir í leikhúsi. Það er samt alltaf viss sjarmi yfir íslenska fótboltanum og skemmtilegt andrúmsloft sem skapast þennan stutta tíma á ári sem fótboltamenn landsins hópast á grasvellina og sparka eins og þeir eigi lífið að leysa. Svona gengur þetta fyrir sig ár eftir ár, það eru alltaf svipað mikil viðbrigði að skipta frá Meistaradeildinni og stærstu deildum Evrópu yfir í íslenska fótboltann. Maður hélt að þetta myndi aldrei venjast. Þetta árið virðist þó farið að birta ansi mikið til og viðbrigðin eru ekki nærri því jafn mikil og oft áður. Íslandsmótið í fyrra olli mörgum manninum miklum vonbrigðum, varnarleikurinn var oft í hávegum hafður og lið voru ekkert mikið fyrir að spila fótbolta. Að þessu sinni fer mótið þó bara mjög vel af stað og mun fleiri mörk líta dagsins ljós. Liðin koma vel undan vetri, leikirnir eru opnari og skemmtilegri, nýjar "stjörnur" hafa fæðst og liðin virðast njóta þess til hins ítrasta að spila fótbolta... flest þeirra að minnsta kosti. Flæði erlendra leikmanna hefur sett sinn svip á Íslandsmótið en deila má um hvort það er af hinu góða eða slæma. Ef réttu leikmennirnir fást setja þeir mjög skemmtilegan lit á mótið en ljóst er að sum lið þurfa að líta í eigin barm og vanda valið þegar kemur að þessum málum. Þessir erlendu leikmenn verða að vera betri en þeir leikmenn sem fyrir eru en ekki hindra það að ungir íslenskir leikmenn geti sýnt sig og sannað. Borgvardt og Nielsen hjá FH hafa verið meðal allra bestu leikmanna Íslandsmótsins síðustu ár og eru önnur lið í örvæntingarfullri tilraun til að fá sama happdrættisvinning og Fimleikafélagið fékk. Eftir fyrstu umferðir mótsins eru nokkrir erlendir leikmenn sem standa upp úr, þriðji Daninn hjá FH er feikilega öflugur leikmaður með frábærar spyrnur og Framarar virðast hafa náð í góða útlendinga svo einhverjir séu nefndir. Á móti er hægt að nefna fjölda leikmanna sem virðast lítið geta til að bæta þau lið sem þeir eru hjá. Til að mynda var Þróttur með tvo erlenda leikmenn á varamannabekk sínum í síðasta leik meðan allir byrjunarliðsmennirnir voru íslenskir. Mótið er stutt, aðeins átján leikir. Lítið má út af bregða til að lenda í ógöngum og virðast íslenskir þjálfarar ekki þora að tefla fram ungum leikmönnum með litla sem enga reynslu af meistaraflokki. Á þessu eru þó til undantekningar og hafa ungir leikmenn látið til sín taka í byrjun móts. Gunnar Kristjánsson hjá KR skapar mikla hættu með hraða sínum og hefur heillað marga stuðningsmenn liðsins, Heiðar Geir Júlíusson hefur átt góðar innkomur hjá Fram með baráttuvilja og hraða og þá hefur Ragnar Sigurðsson, leikmaður Fylkis, varla stigið feilspor það sem af er móti svo einhverjir séu nefndir. Já, það er gaman, eftir vonbrigðin síðasta sumar er íslenski boltinn risinn aftur upp af krafti og fullt af ljósum punktum. Ekkert markalaust jafntefli hefur enn litið dagsins ljós þegar þessi orð eru skrifuð og skulum við bara vona að þetta haldi áfram á þessari braut. Það eina sem gæti skemmt eitthvað gamanið væri það ef spennan um dolluna góðu yrði einfaldlega ekki til staðar. Eins og þetta fer af stað þá óttast ég það... eða ég er eiginlega viss um það! FH-ingar bera höfuð og herðar yfir önnur lið og eru líklegir til að rúlla þessu upp, hafa feikilega sterkan leikmannahóp og spila oft á tíðum glimrandi bolta. Þó þeir stingi líklegast af á maður bara að njóta þess að horfa á skemmtilegan sóknarfótbolta hér á landi meðan hann er til staðar. Ég vonast eftir að þetta haldi áfram á sömu braut, við munum eiga von á enn fleiri mörkum og toppknattspyrnusumar er nýfarið af stað. Elvar Geir Magnússon -elvar@frettabladid.is
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun