Hressir hjólamenn 27. desember 2004 00:01 "Við erum nokkrir galvaskir hjólreiðakappar sem keppum innanlands og erum að reyna að koma okkur allhressilega á kortið. Við erum með bikarmeistara í hjólreiðum síðasta árs í okkar röðum og þessi klúbbur er fullur af ungum og efnilegum hjólreiðamönnum," segir Guðni Dagur Kristjánsson, stjórnarformaður félagsins. "Við erum rúmlega þrjátíu í félaginu og sum okkar hafa verið að hjóla saman í um þrjú ár en félagið er aðeins mánaðargamalt. Við erum fjórir til fimm sem æfum reglulega og erum á höttunum eftir styrktaraðilum þar sem við stefnum á stóra hluti. Við erum að fara í hjólreiðakeppni í Færeyjum næsta sumar sem heitir því skemmtilega nafni Tour de Færeyjar. Síðan erum við með einn gjaldgengan hjólreiðamann sem fer líklegast á Smáþjóðaleikana í júní á næsta ári og við ættum að geta gert stóra hluti þar," segir Guðni og bætir við að öllum sé frjálst að mæta á æfingar hjá félaginu. "Við erum nokkrir sem æfum fjórum sinnum í viku klukkan sex á morgnana. Annars eru skipulagðar æfingar á fimmtudagskvöldum klukkan 20 og sunnudagsmorgnum klukkan 9.30 þar sem allir hittast. Þetta er rosalega góður félagsskapur og maður kemst í rífandi gír allan daginn ef maður fer að hjóla svona á morgnana. Það er allur gangur á stöðu fólks í félaginu, sumir fara hratt og sumir hægt. Við skiljum auðvitað engan eftir þannig að þarf enginn að vera hræddur við að ganga í félagið. Eina sem þarf er góður fatnaður og hjól sem virkar, helst á nagladekkjum." Guðni hefur haft dálæti á hjólreiðum alla tíð en hefur hjólað mikið nú í seinni tíð. "Ég byrjaði af viti í fyrra og var að fikta við þetta áður. Ég hljóp alltaf mjög mikið en þegar maður er á hjóli fer maður mun hraðar yfir og það gerir íþróttina svo skemmtilega. Ég get til dæmis skroppið upp í Heiðmörk og komið aftur heim á tveim tímum. Síðan upplifir maður náttúruna svo vel á hjóli og fílar sig almennt í botn," segir Guðni og segir enn fremur að hjólreiðar séu hollari en margar íþróttir. "Þetta er með betri æfingum sem til eru. Við höfum fengið fólk í félagið sem hefur meiðst í öðrum íþróttum eins og sundi og fótbolta en hefur liðið vel á hjólinu. Það eru engin snögg átök á neina liði eða vöðva og líkaminn veit nákvæmlega hverju hann á von á." En eru engar konur í félaginu? "Því miður hafa engar konur gengið í félagið en við hefðum vissulega ánægju af því að fá nokkrar konur í hópinn." Heilsa Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Mætti á nærfötunum einum klæða Tíska og hönnun Býður Taylor barn Lífið Listamenn skora á Samherja að falla frá málsókn gegn ODEE Lífið Taylor Swift jafnaði met Beyoncé á VMA Tónlist Björk byrjar kvöldið og Blawan tekur svo við Lífið Halla á Hellisheiði með viðskiptakonum Lífið Tískan við þingsetningu: Hverjir voru í hverju? Tíska og hönnun Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
"Við erum nokkrir galvaskir hjólreiðakappar sem keppum innanlands og erum að reyna að koma okkur allhressilega á kortið. Við erum með bikarmeistara í hjólreiðum síðasta árs í okkar röðum og þessi klúbbur er fullur af ungum og efnilegum hjólreiðamönnum," segir Guðni Dagur Kristjánsson, stjórnarformaður félagsins. "Við erum rúmlega þrjátíu í félaginu og sum okkar hafa verið að hjóla saman í um þrjú ár en félagið er aðeins mánaðargamalt. Við erum fjórir til fimm sem æfum reglulega og erum á höttunum eftir styrktaraðilum þar sem við stefnum á stóra hluti. Við erum að fara í hjólreiðakeppni í Færeyjum næsta sumar sem heitir því skemmtilega nafni Tour de Færeyjar. Síðan erum við með einn gjaldgengan hjólreiðamann sem fer líklegast á Smáþjóðaleikana í júní á næsta ári og við ættum að geta gert stóra hluti þar," segir Guðni og bætir við að öllum sé frjálst að mæta á æfingar hjá félaginu. "Við erum nokkrir sem æfum fjórum sinnum í viku klukkan sex á morgnana. Annars eru skipulagðar æfingar á fimmtudagskvöldum klukkan 20 og sunnudagsmorgnum klukkan 9.30 þar sem allir hittast. Þetta er rosalega góður félagsskapur og maður kemst í rífandi gír allan daginn ef maður fer að hjóla svona á morgnana. Það er allur gangur á stöðu fólks í félaginu, sumir fara hratt og sumir hægt. Við skiljum auðvitað engan eftir þannig að þarf enginn að vera hræddur við að ganga í félagið. Eina sem þarf er góður fatnaður og hjól sem virkar, helst á nagladekkjum." Guðni hefur haft dálæti á hjólreiðum alla tíð en hefur hjólað mikið nú í seinni tíð. "Ég byrjaði af viti í fyrra og var að fikta við þetta áður. Ég hljóp alltaf mjög mikið en þegar maður er á hjóli fer maður mun hraðar yfir og það gerir íþróttina svo skemmtilega. Ég get til dæmis skroppið upp í Heiðmörk og komið aftur heim á tveim tímum. Síðan upplifir maður náttúruna svo vel á hjóli og fílar sig almennt í botn," segir Guðni og segir enn fremur að hjólreiðar séu hollari en margar íþróttir. "Þetta er með betri æfingum sem til eru. Við höfum fengið fólk í félagið sem hefur meiðst í öðrum íþróttum eins og sundi og fótbolta en hefur liðið vel á hjólinu. Það eru engin snögg átök á neina liði eða vöðva og líkaminn veit nákvæmlega hverju hann á von á." En eru engar konur í félaginu? "Því miður hafa engar konur gengið í félagið en við hefðum vissulega ánægju af því að fá nokkrar konur í hópinn."
Heilsa Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Mætti á nærfötunum einum klæða Tíska og hönnun Býður Taylor barn Lífið Listamenn skora á Samherja að falla frá málsókn gegn ODEE Lífið Taylor Swift jafnaði met Beyoncé á VMA Tónlist Björk byrjar kvöldið og Blawan tekur svo við Lífið Halla á Hellisheiði með viðskiptakonum Lífið Tískan við þingsetningu: Hverjir voru í hverju? Tíska og hönnun Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira