Blaðamannafélagið semur við SA

Samninganefndir Blaðamannafélags Íslands og Samtaka atvinnulífsins undirrituðu í gær skammtímakjarasamning til eins árs. Samningurinn nær aðeins til blaðamanna Morgunblaðsins, en aðrir fjölmiðlar semja sér. Frá og með 1. nóvember næstkomandi hækka laun blaðamanna um 3 prósent og desember- og júlíuppbót hækkar til samræmis við aðra kjarasamninga. Samkvæmt samningnum breytast ákvæði um uppsagnarfrest blaðamanna og framlag atvinnurekenda í lífeyrissjóð hækkar í 7 prósent frá og með næstu áramótum.