Keppendur í Galaxy Fitness 8. nóvember 2004 00:01 Nú styttist óðum í Galaxy Fitness keppnina en forkeppnin var síðastliðinn sunnudag. Sjálf keppnin er svo um næstu helgi, 13. til 14. nóvember í Laugardalshöll. Þetta er því síðasta vikan sem keppendurnir hafa í undirbúningi en margt hefur gerst síðan Fréttablaðið talaði við þá síðast. Ívar Guðmundsson æfir enn af krafti en því miður þurfti Sólveig Einarsdóttir að skrá sig úr keppni vegna meiðsla á öxl. "Ég er frekar sár því allt sem ég hef unnið að er ónýtt. Ég meiddist á öxl og er dottin úr keppninni. Ég hef farið tvisvar sinnum úr axlarlið áður. Samkvæmt læknisráði væri heimska að fara í keppnina og gera einhverjar tíu eða fimmtán armbeygjur. Líf mitt náttúrlega hrundi þegar þetta gerðist og mér leið ömurlega. Þetta eyðilagði algjörlega andann hjá mér," segir Sólveig Einarsdóttir, sem þurfti að hætta keppni vegna meiðsla. Sólveig er samt ekki af baki dottin og ætlar að fara á keppnina og fylgjast með hinum spreyta sig. "Það kemur mót eftir þetta mót og auðvitað fer ég á keppnina og horfi á hina." "Ég er mjög fínn og allt er í góðum gír hjá mér. Nú er síðasta vikan fyrir keppni og þá er mikilvægt að hvíla sig vel. Ég tek síðustu æfinguna mína í dag eða í fyrramálið og hvíli síðan fram að keppninni. Ég verð að fá góða hvíld svo ég geti komið óþreyttur í keppnina," segir Ívar Guðmundsson, annar keppendanna sem Fréttablaðið hefur fylgst með síðustu vikur. "Ég held mataræðinu mjög stífu alveg fram á keppnisdag. Það er ekki gott að breyta út af vananum því þá gæti maður lent í vondum málum. Ég stunda létta hreyfingu eins og til dæmis göngu til að halda mér við," segir Ívar en síðasta vikan er mikið til fínpússing fyrir keppnina. "Núna hætti ég í ljósum og fer að snúa mér að brúnkukreminu. Maður þarf að byrja að gera tilraunir með það þrem dögum áður. Það er viss brúnn litur sem ég verð að ná sem sýnir mestan skurð." Ívar hlakkar að vonum mikið til keppninnar og lætur ekkert stöðva sig. "Þetta verður mjög gaman og það jákvæða er að keppnin er mjög skemmtileg. Keppendur hafa gaman af og styðja og hvetja hvern annan þó þetta sé keppni. Lykilatriði í svona keppni er náttúrlega stemningin og áhorfendurnir spila þar stórt hlutverk. Oft eru heilu stuðningsmannaliðin með sumum keppendum, sem er mjög gaman." Ívar segir að hvíldin sé mikilvægust og reynir því að taka því rólega þessa dagana.Mynd/E.Ól Heilsa Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Býður Taylor barn Lífið Taylor Swift jafnaði met Beyoncé á VMA Tónlist Björk byrjar kvöldið og Blawan tekur svo við Lífið Mætti á nærfötunum einum klæða Tíska og hönnun Halla á Hellisheiði með viðskiptakonum Lífið Listamenn skora á Samherja að falla frá málsókn gegn ODEE Lífið Tískan við þingsetningu: Hverjir voru í hverju? Tíska og hönnun Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Nú styttist óðum í Galaxy Fitness keppnina en forkeppnin var síðastliðinn sunnudag. Sjálf keppnin er svo um næstu helgi, 13. til 14. nóvember í Laugardalshöll. Þetta er því síðasta vikan sem keppendurnir hafa í undirbúningi en margt hefur gerst síðan Fréttablaðið talaði við þá síðast. Ívar Guðmundsson æfir enn af krafti en því miður þurfti Sólveig Einarsdóttir að skrá sig úr keppni vegna meiðsla á öxl. "Ég er frekar sár því allt sem ég hef unnið að er ónýtt. Ég meiddist á öxl og er dottin úr keppninni. Ég hef farið tvisvar sinnum úr axlarlið áður. Samkvæmt læknisráði væri heimska að fara í keppnina og gera einhverjar tíu eða fimmtán armbeygjur. Líf mitt náttúrlega hrundi þegar þetta gerðist og mér leið ömurlega. Þetta eyðilagði algjörlega andann hjá mér," segir Sólveig Einarsdóttir, sem þurfti að hætta keppni vegna meiðsla. Sólveig er samt ekki af baki dottin og ætlar að fara á keppnina og fylgjast með hinum spreyta sig. "Það kemur mót eftir þetta mót og auðvitað fer ég á keppnina og horfi á hina." "Ég er mjög fínn og allt er í góðum gír hjá mér. Nú er síðasta vikan fyrir keppni og þá er mikilvægt að hvíla sig vel. Ég tek síðustu æfinguna mína í dag eða í fyrramálið og hvíli síðan fram að keppninni. Ég verð að fá góða hvíld svo ég geti komið óþreyttur í keppnina," segir Ívar Guðmundsson, annar keppendanna sem Fréttablaðið hefur fylgst með síðustu vikur. "Ég held mataræðinu mjög stífu alveg fram á keppnisdag. Það er ekki gott að breyta út af vananum því þá gæti maður lent í vondum málum. Ég stunda létta hreyfingu eins og til dæmis göngu til að halda mér við," segir Ívar en síðasta vikan er mikið til fínpússing fyrir keppnina. "Núna hætti ég í ljósum og fer að snúa mér að brúnkukreminu. Maður þarf að byrja að gera tilraunir með það þrem dögum áður. Það er viss brúnn litur sem ég verð að ná sem sýnir mestan skurð." Ívar hlakkar að vonum mikið til keppninnar og lætur ekkert stöðva sig. "Þetta verður mjög gaman og það jákvæða er að keppnin er mjög skemmtileg. Keppendur hafa gaman af og styðja og hvetja hvern annan þó þetta sé keppni. Lykilatriði í svona keppni er náttúrlega stemningin og áhorfendurnir spila þar stórt hlutverk. Oft eru heilu stuðningsmannaliðin með sumum keppendum, sem er mjög gaman." Ívar segir að hvíldin sé mikilvægust og reynir því að taka því rólega þessa dagana.Mynd/E.Ól
Heilsa Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Býður Taylor barn Lífið Taylor Swift jafnaði met Beyoncé á VMA Tónlist Björk byrjar kvöldið og Blawan tekur svo við Lífið Mætti á nærfötunum einum klæða Tíska og hönnun Halla á Hellisheiði með viðskiptakonum Lífið Listamenn skora á Samherja að falla frá málsókn gegn ODEE Lífið Tískan við þingsetningu: Hverjir voru í hverju? Tíska og hönnun Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira