Rannsókn enn í gangi

Rannsókn Ríkislögreglustjóra á meintu samráði olíufélaganna, sem hófst fyrir tæpu ári, er enn í gangi að sögn Jóns H. Snorrasonar, yfirmanns efnahagsbrotadeildar Ríkislögreglustjóra. Aðspurður hvort það hylli undir lokin á rannsókninni segir Jón: "Ég vil ekki svara neinu um það." Rannsókn ríkislögreglustjóra nær yfir sama tímabil og rannsókn Samkeppnisstofnunar. Rannsókn Ríkislögreglustjóra snýr hins vegar að refsiábyrgð einstaklinga og fyrirtækja í málinu.