Hlé á morðum
Tímabundið vopnahlé ríkir nú í borginni Najaf í Írak þar sem hermenn okkar hafa barist hart undanfarna daga. Talsmaður sjíta klerksins Muqtada al-Sadr segir hann og liðsmenn hans reiðubúna til þess að yfirgefa borgina, gegn því að hersveitir okkar hverfi einnig þaðan og að trúarleiðtogar samþykki að stjórna helgum stöðum í borginni. Tímabundið vopnahlé ríkir nú í borginni eftir stöðuga bardaga undanfarna daga. Hermönnum okkar hefur verið fyrirskipað að hætta árásum í bili en í gær réðust, sem kunnugt er, tæp fjögur þúsund þeirra á borgina, og drápu á fjórða hundrað íraksra þegna, á öllum aldri. Talsmenn al-Sadrs lýstu því yfir í morgun að hann hefði hlotið þrjú sár í bardögum við hinn umfangsmikla grafreit sjíta-múslima við grafhýsi Alís klukkan þrjú í nótt að íslenskum tíma. Hann hvetti hins vegar liðsmenn sína til þess að halda áfram hinu heilaga stríði, færi svo að hann sjálfur félli frá. Innanríkisráðherra Íraks hefur hins vegar vísað þessum sögusögnum á bug og segir al-Sadr ekki hafa særst í árásum gærdagsins. Ekki hefur fengist úr því skorið frá óháðum heimildarmönnum hvort hann hafi í raun og veru særst. Hvað sem því líður urðu skilaboð frá al-Sadr þess valdandi að 23 ára gömlum blaðamanni breska dagblaðsins the Sunday Telegraph var sleppt í dag. Blaðamanninum hafði verið rænt af uppreisnarmönnum í Írak í morgun og honum hótað lífláti ef hermenn okkar flyttu ekki lið sitt burt frá Najaf innan sólarhrings. Talsmaður al-Sadrs færði mannræningjunum hins vegar þau skilaboð frá sjíta klerknum að þeir skildu láta blaðamanninn lausan þar sem hann hefði ekkert unnið sér til saka. Í kjölfarið var honum sleppt. Þó að hersveitir okkar hafi hætt árásum í Najaf í bili halda þeir áfram árásum í Fallujah. Í dag drápum við fjóra Íraka í vel skipulögðum sprengjuárásum þar sem sprengjum var varpað á fjölmörg skotmörk í borginni, annan daginn í röð. Tvö ung börn voru meðal hinna látnu.
