Ættingjar gísls hótuðu drápum
Sex Írakar særðust er sprengja sprakk í borginni Fallujah í Írak í dag. Vígamenn eru grunaðir um verknaðinn. Hryðjuverkamenn hafa hótað árásum á veginum milli Jórdaníu og Íraks en mesta umferðin þar á milli er á vegum Bandaríkjahers. Talið er að þetta sé sami hópur og rændi jórdönsku bílstjórunum í gær. Ættingjar bílstjóranna hótuðu því að drepa forstjóra og aðra starfsmenn fyrirtækisins færu þeir ekki að kröfum mannræningja um að hverfa frá Írak. Fyrirtækið segist því ætla að hætta að vinna fyrir Bandaríkjaher til að fá gíslana lausa.
