Húsbréf breytast í peningalán 5. júlí 2004 00:01 "Meginbreytingin sem fylgir þessu er að lánstími breytist og einnig vaxtaprósentan," segir Hallur Magnússon, sviðsstjóri þróunar- og almannatengslasviðs Íbúðalánasjóðs. Nú hafa þær breytingar gengið í garð hjá Íbúðalánasjóði að húsbréfum er breytt í peningalán. Nú er hægt að taka peningalán til tuttugu, þrjátíu eða fjörutíu ára en einungis var hægt að taka lán til 25 eða 40 ára í gamla húsbréfakerfinu. "Áður fyrr fengu seljendur greiðslu í formi fasteignaveðbréfs sem var skiptanlegt fyrir húsbréf hjá Íbúðalánasjóði. Húsbréfin gengu síðan kaupum og sölu á fjármálamarkaði og báru ýmist afföll eða yfirverð. Nú fær seljandinn greidda peninga í samræmi við ákvæði ÍLS-veðbréfa sem taka við af fasteignaveðbréfunum," segir Hallur. "Á meðan húsbréfakerfið var og hét fékk seljandi til dæmis 1.000.000 króna húsbréf en vegna affalla þá fékk hann aðeins 900.000 greitt. Þá hafði það oft áhrif á lántakanda því seljandi vildi að hann tæki þátt því hann vildi auðvitað fá 1.000.000 en ekki 900.000 krónur. Þá þurfti lántakandi oft að greiða meira en uppsett verð." Vextirnir breytast einnig talsvert með þessum breytingum. "Undanfarin tíu ár hafa þessi fasteignaverðbréf verið verðtryggð og fastir vextir á þeim sem voru 5,1 prósent. Eftir breytingarnar breytast vextirnir á ÍLS-verðbréfum á milli tímabila. Ef keypt er í janúar til dæmis þá eru ákveðnir vextir sem eru fastir allan lánstímann. Vextirnir gætu svo verið aðrir til dæmis í maí. Nú bjóðum við íbúðabréf út og sú ákvöxtunarkrafa sem markaðsaðilar vilja greiða er grunnvaxtaákvörðun útlánanna. Það gæti til dæmis verið fjögur prósent og síðan bætast ofan á þá prósentu ákveðið álag," segir Hallur, en Íbúðalánasjóður hyggur að svona verði vextir á útlánum lægri en áður fyrr. Starfsmenn Íbúðalánasjóðs hvetja fólk eindregið til að leita sér upplýsinga í bönkum og sparisjóðum þegar haldið er í greiðslumat. "Greiðslumat er ekki aðeins til að sýna fólki sína fjárhagslegu stöðu heldur líka hvað það á mikið afgangs eftir mánaðarneyslu til að greiða af lánum sínum. Ráðgjafar í greiðslumati geta þá bent fólki á bestu mögulegu leiðina í lánatöku," segir Hallur. Starfsmenn Íbúðalánasjóðs vilja enn fremur benda á það að besti sparnaðurinn er að taka styttri lán frekar en lengri ef fólk hefur val á því þar sem fjörutíu ára lánin hafa reynst dýrari á heildina litið. Fjármál Mest lesið Sindri og Albert selja Skerjafjarðarslotið Lífið Kókaínklásúla í kaupmálanum tryggir Keith rúman milljarð Lífið „Ég er mjög hrædd um að einhver ræni mér“ Lífið „Kunna ekki að reikna, kunna svo ekki að skammast sín“ Menning Skrýtið næturlíf og ævintýri sem fylgja partýjunum Lífið Veisla fyrir augu og eyru Gagnrýni „Stefán er að hengja bakara fyrir að vera ekki smiður“ Menning Íslensk fyrirsæta slær í gegn á tískupöllum Mílanó Tíska og hönnun „Amma mín, ert þú nokkuð dáin?“ Lífið Var á klóinu þegar skilaboðin bárust og hélt að ferlinum væri lokið Lífið Fleiri fréttir „Kunna ekki að reikna, kunna svo ekki að skammast sín“ „Stefán er að hengja bakara fyrir að vera ekki smiður“ Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira
"Meginbreytingin sem fylgir þessu er að lánstími breytist og einnig vaxtaprósentan," segir Hallur Magnússon, sviðsstjóri þróunar- og almannatengslasviðs Íbúðalánasjóðs. Nú hafa þær breytingar gengið í garð hjá Íbúðalánasjóði að húsbréfum er breytt í peningalán. Nú er hægt að taka peningalán til tuttugu, þrjátíu eða fjörutíu ára en einungis var hægt að taka lán til 25 eða 40 ára í gamla húsbréfakerfinu. "Áður fyrr fengu seljendur greiðslu í formi fasteignaveðbréfs sem var skiptanlegt fyrir húsbréf hjá Íbúðalánasjóði. Húsbréfin gengu síðan kaupum og sölu á fjármálamarkaði og báru ýmist afföll eða yfirverð. Nú fær seljandinn greidda peninga í samræmi við ákvæði ÍLS-veðbréfa sem taka við af fasteignaveðbréfunum," segir Hallur. "Á meðan húsbréfakerfið var og hét fékk seljandi til dæmis 1.000.000 króna húsbréf en vegna affalla þá fékk hann aðeins 900.000 greitt. Þá hafði það oft áhrif á lántakanda því seljandi vildi að hann tæki þátt því hann vildi auðvitað fá 1.000.000 en ekki 900.000 krónur. Þá þurfti lántakandi oft að greiða meira en uppsett verð." Vextirnir breytast einnig talsvert með þessum breytingum. "Undanfarin tíu ár hafa þessi fasteignaverðbréf verið verðtryggð og fastir vextir á þeim sem voru 5,1 prósent. Eftir breytingarnar breytast vextirnir á ÍLS-verðbréfum á milli tímabila. Ef keypt er í janúar til dæmis þá eru ákveðnir vextir sem eru fastir allan lánstímann. Vextirnir gætu svo verið aðrir til dæmis í maí. Nú bjóðum við íbúðabréf út og sú ákvöxtunarkrafa sem markaðsaðilar vilja greiða er grunnvaxtaákvörðun útlánanna. Það gæti til dæmis verið fjögur prósent og síðan bætast ofan á þá prósentu ákveðið álag," segir Hallur, en Íbúðalánasjóður hyggur að svona verði vextir á útlánum lægri en áður fyrr. Starfsmenn Íbúðalánasjóðs hvetja fólk eindregið til að leita sér upplýsinga í bönkum og sparisjóðum þegar haldið er í greiðslumat. "Greiðslumat er ekki aðeins til að sýna fólki sína fjárhagslegu stöðu heldur líka hvað það á mikið afgangs eftir mánaðarneyslu til að greiða af lánum sínum. Ráðgjafar í greiðslumati geta þá bent fólki á bestu mögulegu leiðina í lánatöku," segir Hallur. Starfsmenn Íbúðalánasjóðs vilja enn fremur benda á það að besti sparnaðurinn er að taka styttri lán frekar en lengri ef fólk hefur val á því þar sem fjörutíu ára lánin hafa reynst dýrari á heildina litið.
Fjármál Mest lesið Sindri og Albert selja Skerjafjarðarslotið Lífið Kókaínklásúla í kaupmálanum tryggir Keith rúman milljarð Lífið „Ég er mjög hrædd um að einhver ræni mér“ Lífið „Kunna ekki að reikna, kunna svo ekki að skammast sín“ Menning Skrýtið næturlíf og ævintýri sem fylgja partýjunum Lífið Veisla fyrir augu og eyru Gagnrýni „Stefán er að hengja bakara fyrir að vera ekki smiður“ Menning Íslensk fyrirsæta slær í gegn á tískupöllum Mílanó Tíska og hönnun „Amma mín, ert þú nokkuð dáin?“ Lífið Var á klóinu þegar skilaboðin bárust og hélt að ferlinum væri lokið Lífið Fleiri fréttir „Kunna ekki að reikna, kunna svo ekki að skammast sín“ „Stefán er að hengja bakara fyrir að vera ekki smiður“ Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira