Heimir búinn að velja liðið fyrir Króatíuleikinn | Svona lítur hópurinn út

Heimir Hallgrímsson, þjálfari íslenska karlandsliðsins í fótbolta, tilkynnti í dag leikmannahópinn sinn fyrir leikinn mikilvæga á móti Króatíu í undankeppni HM sem fer fram á Laugardalsvellinum 11. júní næstkomandi.

Heimir valdi 23 leikmenn í hópinn að þessu sinni en nokkrir leikmenn duttu út af þeim sem tóku þátt í síðustu verkefnum íslenska liðsins í mars.

Alfreð Finnbogason, Jóhann Berg Guðmundsson og Birkir Bjarnason, sem misstu af leikjunum í mars vegna meiðsl, koma nú aftur inn í hópinn.

Viðar Örn Kjartansson, Arnór Smárason, Elías Már Ómarsson, Kjartan Henry Finnbogason, Kristján Flóki Finnbogason, Hólmar Örn Eyjólfsson, Viðar Ari Jónsson og Óttar Magnús Karlsson voru allir í síðasta hóp en eru ekki með núna.

Króatía og Ísland eru tvö efstu lið riðilsins en Króatar hafa þremur stigum meira en Íslendingar eftir 2-0 sigur í fyrri leik liðanna í Króatíu í nóvember.

Íslenska liðið hefur náð í tíu stig af fimmtán mögulegum í fyrstu fimm leikjum sínum en strákarnir unnu 2-1 útisigur á Kosóvó í fyrsta leik íslenska liðsins í undankeppnini á árinu. Sá leikur fór fram í marsmánuði.

Efsta liðið tryggir sér sæti á HM í Rússlandi en liðið í öðru sæti á möguleika á því að komast í umspil um laust sæti. Átta af níu liðum sem lenda í öðru sæti í riðlinum komast í umspilið um fjögur laus sæti.



Landsliðshópur Heimis Hallgrímssonar fyrir Króatíuleikinn:

            

Markmenn                     

Hannes Þór Halldórsson, Randers FC

Ögmundur Kristinsson, Hammarby

Ingvar Jónsson, Sandefjord

Varnarmenn

Hörður B. Magnússon, Bristol City FC

Ari Freyr Skúlason, KSC Lokeren

Ragnar Sigurðsson, Fulham FC

Kári Árnason, AC Omonia

Sverrir Ingi Ingason, Granada CF

Hjörtur Hermannssoin, Bröndby                

Birkir Már Sævarsson, Hammarby

Miðjumenn                     

Aron Einar Gunnarsson, Cardiff City FC

Arnór Ingvi Traustason, SK Rapid Wien

Aron Sigurðarson, Tromsö IL

Birkir Bjarnason, Aston Villa

Jóhann Berg Guðmundsson, Burnley

Emil Hallfreðsson, Udinese Calcio

Gylfi Þór Sigurðsson, Swansea City FC

Ólafur Ingi Skúlason, Kardemir Karabükspor

Rúnar Már Sigurjónsson, Grasshoppers

Rúrik Gíslason, Nürnberg

Sóknarmenn

Jón Daði Böðvarsson, Wolves

Alfreð Finnbogason, Augsburg

Björn Bergmann Sigurðarson, Molde FK