Þýskaland í undanúrslit eftir nítján víti

Þýskaland er komið í í undanúrslit á EM í Frakklandi eftir sigur á Ítalíu í vítaspyrnukeppni. Þeir mæta annað hvort Íslandi eða Frakklandi í undanúrslitunum.

Þjóðverjar urðu fyrir áfalli strax á fimmtándu mínútu þegar Samir Khedira þurfti að fara af velli vegna meiðsla í nára, en Bastian Schweinsteiger kom inn í hans stað.

Schweinsteiger var í eldlínunni stuttu síðar, en þá skoraði hann mark sem dómarinn Viktor Kassai, frá Ungverjalandi, dæmdi af vegna brots Schweinsteiger á varnarmanni Ítala.

Ekkert mark var skorað í fyrri hálfleik og staðan því markalaus þegar liðin gengu til búningsherbergja.

Þjóðverjar komust yfir á 65. mínútu þegar Mesut Özil kom þeim yfir. Mario Gómez gaf þá frábæra sendingu inn á Jonas Hector sem lagði boltann á Özil sem lagði boltann í hornið.

Þrettán mínútum síðar fengu Ítalir víti. Jerome Boateng fékk þá boltann í höndina. Glórulaust hjá Boateng og Leonardo Bonucci brást ekki bogalistinn þegar hann steig á punktinn.

Lokatölur eftir venjulegan leiktíma urðu 1-1 og því þurfti að grípa til framlengingar. Ekkert mark var skorað í framlengingunni og því réðust úrslitin í vítaspyrnukeppni.

Vítaspyrnukeppnin var ótrúleg. Sjö víti fóru forgörðum, en níu umferðir þurfti til að knýja fram sigurinn. Manuel Neuer varði frá Darmian, en Jonas Hector tryggði Þjóðverjum svo sigurinn.

Þýskaland mætir því annað hvort Íslandi eða Frakklandi í undanúrslitunum, en liðin mætast á Stade De France á morgun. Hitað verður vel upp fyrir leikinn á Vísi á morgun.

Vítaspyrnukeppnin:

1-2 Lorenzo Insigne scorer

2-2 Toni Kroos skorar

2-2 Simone Zaza skýtur yfir

2-2 Gianluigi Buffon ver frá Thomas Müller

2-3 Andrea Barzagli skorar

2-3 Mesut Özil skýtur í stöngina

2-3 Graziano Pelle skýtur framhjá

3-3 Julian Draxler skorar

3-3 Manuel Neuer ver frá Leonardo Bonucci  

3-3 Bastian Schweinsteiger skýtur yfir

3-4 Emmanuele Giaccherini skorar

4-4 Mats Hummels skorar

4-5 Marco Parolo skorar

5-5 Joshua Kimmich skorar

5-6 Mattia De Sciglio skorar

6-6 Jerome Boateng sorar

6-6 Manuel Neuer ver fra Matteo Damian

6-7 Jonas Hector skorar