Ramos búinn að framlengja við Real Madrid

Það er nú endanlega ljóst að Sergio Ramos gengur ekki í raðir Man. Utd.

Hann er nefnilega búinn að skrifa undir nýjan fimm ára samning við Real Madrid.

United bauð tæpar 30 milljónir punda í varnarmanninn í júní en því tilboði var hafnað. Einnig var talað um að hann gæti farið til United í skiptum fyrir David de Gea.

De Gea er ekki farinn og nú í morgun var slúðrað um að Real væri til í að greiða markverðinum 12 milljónir punda í bónus ef hann kemur frítt til félagsins næsta sumar.