Ríkisstjórn Kristrúnar Frostadóttur

Fréttamynd

„Of margar sögur af vondri með­ferð“

Dómsmálaráðherra segir að verkalýðshreyfingin hafi kallað eftir því að lokað yrði á dvalarleyfi fyrir svokallaðar au pair frá löndum utan evrópska efnahagssvæðisins. „Það eru of margar sögur af vondri meðferð þannig að ég er að stíga þetta skref,“ segir hann meðal annars. 

Innlent
Fréttamynd

Minni gjaldahækkanir kosti ríkis­sjóð 2,5 milljarða

Það myndi kosta ríkissjóð um tvo og hálfan milljarð króna að lækka fyrirhugaðar gjaldahækkanir úr 5,2 prósentum í 2,5 prósent, að sögn fjármálaráðherra. Hann segir svigrúm til þess í fjárlagafrumvarpinu og markmið um hallalaus fjárlög standi áfram.

Innlent
Fréttamynd

Geri málið tor­tryggi­legt að neita að svara

Almannatengill og ráðgjafi segir framkomu formanns Flokks fólksins í umdeildu fréttamáli óvenjulega. Það geri málið tortryggilegt að neita að svara fréttamönnum auk þess sem það sé vanvirðing við fjölmiðla og þjóðina að segjast ekki hafa tíma til að ræða stórt fréttamál á sama tíma og formaðurinn veiti ítarlegt viðtal um tísku.

Innlent
Fréttamynd

Minnkaði áfengisneysluna og kílóin fylgdu með

Inga Sæland, formaður Flokks fólksins og mennta- og barnamálaráðherra, hefur minnkað áfengisneyslu sína til muna og segir kílóin hafa fylgt með. Hún hafi alla tíð verið grönn en byrjað að bæta á sig um fimmtugt. Inga þáði boð Smartlandsins þar sem hún var gerð fín og flott, klædd í alls konar föt frá aðilum sem auglýsa í blaðinu og spurð spjörunum úr.

Lífið
Fréttamynd

Stefna á þrjú þúsund hektara en endur­heimtu þrettán

Seinagangur í skipulagskerfinu og áhugaleysi landeigenda eru meðal ástæðna þess að mun hægar hefur gengið að endurheimta votlendi en stjórnvöld stefndu að. Aðeins þrettán hektarar voru endurheimtir í fyrra en stjórnvöld stefna á þrjú þúsund á ári til 2031.

Innlent
Fréttamynd

Hvað þýðir sjö í nýju náms­mati?

Mennta- og barnamálaráðuneytið segir markmið fyrirhugaðra breytinga á námsmati við lok grunnskóla að gera framsetningu einkunna skýrari og samræmdari og þannig stuðla að auknu jafnræði nemenda, óháð því hvaða skóla þeir sækja. Þetta kemur fram í tilkynningu frá ráðuneytinu en þar er einnig farið ítarlega yfir merkingu hverrar einkunnar fyrir sig.

Innlent
Fréttamynd

Reglur um dvalar­leyfi hertar og filipps­eyskar au pair úr sögunni

Erlendir ríkisborgarar munu almennt þurfa að dvelja á Íslandi í sex ár í stað fjögurra áður en þeir öðlast rétt á ótímabundnu dvalarleyfi ef frumvarpsdrög dómsmálaráðherra ná fram að ganga. Þá verður hætt að veita dvalarleyfi til au pair sem koma utan Evrópska efnahagssvæðisins. Einnig er lagt til að skilyrði fjölskyldusameininga verði þrengd og dvalarleyfi veitt til þolenda vinnumarkaðsbrota.

Innlent
Fréttamynd

Leggur til að þing­menn verði 85 í stað 63

Þóroddur Bjarnason, prófessor á félagsvísindasviði Háskóla Íslands, segir að með því að fjölga þingmönnum úr 63 í 85 til að fjöldi kjósenda að baki hverjum þingmanni yrði sambærilegur í öllum kjördæmum. Þannig sé betur hægt að jafna atkvæðavægi og tryggja jafnræði án ofríkis meirihlutans.

Innlent
Fréttamynd

Marco Rubio á leið til Ís­lands

Marco Rubio, utanríkisráðherra Bandaríkjanna, kemur til Íslands í næstu viku eftir að hafa þegið boð Þorgerðar Katrínar Gunnarsdóttur utanríkisráðherra um heimsókn. Hans má vænta hinn 5. október en að því loknu heldur Rubio til Grikklands og Portúgal.

Innlent
Fréttamynd

Engin að­stoð við próf­töku og litaðar nú­meraplötur

Innviðaráðherra hefur gert veigamiklar breytingar á reglum um leigubifreiðaþjónustu. Meðal breytinga er að próftaka fer nú fram án utanaðkomandi aðstoðar, leigubifreiðastöðvar eiga að halda rafræna skrá yfir allar seldar ferðir og munu leigubifreiðar fá litaðar númeraplötur.

Innlent
Fréttamynd

Krist­rún til­búin í að­gerðir

Kristrún Frostadóttir segir ríkisstjórnina reiðubúna til að tamarka hækkanir á krónutölugjöldum og gjaldskrám ríkisstofnana við 2,5 prósent ef allir geri sitt og kjarasamningar halda. Þetta tilkynnti hún í ræðu á ársfundi Samtaka atvinnulífsins í dag.

Innlent
Fréttamynd

Inga vildi alls ekki svara spurningum frétta­manns

Inga Sæland, formaður Flokks fólksins og mennta- og barnamálaráðherra, neitaði að svara spurningum fréttamanns þegar hún var spurð út í mál Guðmundar Inga Kristinssonar. Hún sagðist þó ekki hafa komið nálægt umdeildum skilaboðum sem fyrrverandi aðstoðarkona Guðmundar Inga sendi á hann.

Innlent
Fréttamynd

Væntingar um út­spil tengt gjalda­hækkunum

Einungis vika er til stefnu til að bregðast við forsendubresti kjarasamninga og framkvæmdastjóri Samtaka atvinnulífsins segir að væntingar séu um útspil frá stjórnvöldum er varðar gjaldskrárhækkanir. Ekkert svigrúm sé í raun til staðar og tvísýnt með framhaldið. Formaður VR segist ekki bjartsýn.

Innlent
Fréttamynd

Snið­ganga geti verið túlkuð sem yfir­lýsing ríkis­stjórnarinnar

Ríkisfyrirtæki geta ekki rekið eigin utanríkisstefnu, segir Ingvar Smári Birgisson, einn þriggja stjórnarmanna RÚV sem leggjast gegn áframhaldandi sniðgöngu Eurovision. Hann telur varhugavert að stjórn félagsins taki ákvörðun sem geti verið túlkuð sem yfirlýsing ríkisstjórnarinnar og Alþingis.

Innlent
Fréttamynd

Óttast „harða lendingu“ með efna­hags­sam­drætti og veru­legu at­vinnu­leysi

Skýr merki eru komin fram um að hagkerfið sé að kólna mun hraðar en flestar hagspár hafa gert ráð fyrir og hætta er á að áfram dragi úr hagvexti á næsta ári samhliða verulega auknu atvinnuleysi, að mati greinenda Acro. Þeir óttast að þrálát verðbólga og háar verðbólguvæntingar komi í veg fyrir að Seðlabankinn geti brugðist við versnandi efnahagsástandi með vaxtalækkunum og að niðurstaðan verði „hörð lending“.

Innherji
Fréttamynd

ESA geti ekki beðið enda­laust

ESA getur ekki beðið endalaust eftir því að íslensk stjórnvöld lagfæri innleiðingu bókunar 35 segir stjórnarmaður Eftirlitsstofnunar EFTA. Hann segir fólk og fyrirtæki hér á landi verða fyrir tjóni á meðan málið sé óleyst.

Innlent
Fréttamynd

Vill að Daði vísi til þess sem hún á að hafa sagt

Þingmaður stjórnarandstöðunnar sem var einn þeirra sem fjármálaráðherra kallaði „þetta lið“ segist vart trúa því að hún þurfi enn á ný að „verjast óskiljanlegum brigslyrðum“ hæstvirts fjármálaráðherra í sinn garð. Hún hafni því sem hann haldi fram um að hún hafi sagt hallarekstur hvergi koma niður og krefst þess að ráðherra vísi þá til hvenær hún hafi gert það.

Innlent
Fréttamynd

Öllum heil­brigðis­full­trúum landsins sagt upp

Vegna tilfærslu á ábyrgð heilbrigðiseftirlits frá sveitarfélögum til ríkis hefur öllum 76 heilbrigðisfulltrúum landsins verið sagt upp. Þeir hafa fengið loforð um endurráðningu en ekki er búið að bjóða neinum nýtt starf hjá stofnununum sem taka við eftirlitinu. 

Innlent
Fréttamynd

Gera al­var­legar at­huga­semdir við mál­flutning Daða

VR, LÍV og Fagfélögin gera alvarlegar athugasemdir við málflutning Daða Más Kristóferssonar fjármálaráðherra í viðtali sem birt var fyrr í dag, miðvikudaginn 30. september, á Vísi. Þau segja málflutning ráðherrans ríma illa við þá stöðu sem blasi við launafólki og að hann vinni gegn því.

Innlent
Fréttamynd

Innan við helmingur karla vill refsingar fyrir vændiskaup

Innan við helmingur karla er fylgjandi því að refsað sé fyrir kaup á kynlífsþjónustu en yfirgnæfandi meirihluti kvenna er á þeirri skoðun. Til stendur að herða refsingar í málaflokknum en afbrotafræðingur segir slíkt jafnvel geta sett seljendur í erfiðari eða hættulegri stöðu.

Innlent
Fréttamynd

„Einn aðili sem hefur til þessa skilað auðu“

Formaður Starfsgreinasambandsins furðar sig á þeim orðum fjármálaráðherra að launafólk hafi það ekki verra nú en áður og að heimilin standi vel. Einn aðili hafi skilað auðu í því verkefni að láta kjarasamninga halda og það sé ríkið.

Innlent
Fréttamynd

Um­ræðan verið erfið fyrir eigin­konuna

Ragnar Þór Ingólfsson, félags- og húsnæðismálaráðherra, er stiginn upp úr veikindum. Bjarki Sigurðsson fréttamaður náði tali af Ragnari nú eftir veikindi hans en gríðarlegur pólitískur skjálfti hefur orðið eftir að Guðmundur Ingi Kristinsson, fráfarandi ráðherra, birti samskipti sín við Guðbjörgu Ingibjörgu Magnúsdóttur, aðstoðarmann sinn, en þar birtust honum afarkostir. Ragnar Þór segist enga aðkomu hafa átt að skilaboðum eiginkonu sinnar.

Innlent
Fréttamynd

„Ég er ó­geðs­lega reiður“

Formaður stéttarfélagsins Framsýnar segist „ógeðslega reiður“ og fúll vegna ummæla fjármálaráðherra. Reynslu- og sambandsleysi einkenni ríkisstjórnina og ljóst að lægst launaða fólkið í landinu þoli ekki efnahagsaðgerðir ríkisstjórnarinnar.

Innlent
Fréttamynd

Ís­lensk heimili eigi að geta þolað sárs­aukann

Það er sársaukafullt að ná aga í ríkisfjármálum og ef eitthvað ríki geti þolað sársaukann sé það Ísland enda standi heimilin mjög vel. Hann segir ekki rétt að launþegar hafi það verr nú en fyrir tveimur árum og fullyrðir að ummæli sem formaður efnahagsnefndar Alþingis lét falla um helgina séu ekki rétt. Þetta er á meðal þess sem Daði Már Kristófersson fjármálaráðherra segir í ítarlegu sjónvarpsviðtali við fréttastofu.

Innlent

Mest lesið