Fréttamaður

Samúel Karl Ólason

Samúel Karl er fréttamaður á fréttastofu Sýnar.

Nýjustu greinar eftir höfund

Neytandi njósnakláms varð fórnar­lamb

Maður sem var árið 2023 að fletta í gegnum miðil þar sem hann nálgaðist reglulega klám, rambaði óvænt á myndband af sjálfum sér hafa mök við kærustu sína. Þau höfðu verið tekin upp á laun í hótelherbergi sem þau gistu í í Shenzhen í Kína nokkrum vikum áður. Slíkur iðnaður þykir nokkuð umfangsmikill í Kína, þó yfirvöld þar hafi sett reglur sem ætlað er að taka á vandanum.

Tugir látnir eftir sprengju­á­rás í Islamabad

Að minnsta kosti 31 er látinn og 169 eru særðir eftir stóra sprengingu í mosku sjíta í höfuðborg Pakistan í dag. Fjölmargir voru við bænir í moskunni þegar sprengingin varð og leikur grunur á um að maður hafi sprengt sig í loft upp þar inni, eða rétt fyrir utan. Einhver vitni segjast hafa heyrt skothríð fyrir sprenginguna.

Rússar í vand­ræðum með netið í Úkraínu

Rússneskir hermenn í Úkraínu hafa misst aðgang að internetinu gegn Starlink-gervihnetti eftir að Úkraínumenn báðu Elon Musk, eiganda fyrirtækisins SpaceX, um að takmarka aðgang Rússa að gervihnattaþyrpingunni. Herbloggarar í Rússlandi segja hermenn hafa kvartað yfir vandræðum við samskipti á víglínunni en hve áhrifamikil áhrifin eru ekki ljós enn.

Segir 55 þúsund her­menn fallna en margra sé saknað

Að minnsta kosti 55 þúsund úkraínskir hermenn hafa fallið í átökum við Rússa, samkvæmt Vólódímír Selenskí, forseta Úkraínu. Átökin hafa staðið yfir í tæp fjögur ár en Selenskí segir að margra til viðbótar sé saknað. Fjöldi fallinna hermanna er líklegal mun hærri, eins og forsetinn viðurkenndi sjálfur.

Vara við upp­gangi Íslamska ríkisins

Sameinuðu þjóðirnar segja Íslamska ríkið vera í töluverðum vexti í Afríku, Mið-Austurlöndum og víðar í heiminum. Margar deildir hryðjuverkasamtakanna hafa aukið umsvif sín og fjölgað árásum. Á fundi Sameinuðu þjóðanna um baráttu gegn hryðjuverkastarfsemi sem haldin var í gær, sagði Alexandre Zouev, einn yfirmanna gagn-hryðjuverkaskrifstofu Sameinuðu þjóðanna, að ógnin frá Íslamska ríkinu hefði aukist jafnt og þétt.

Demó­kratar unnu orrustu í kjördæmastríðinu

Dómarar Hæstaréttar Bandaríkjanna neituðu í gær að taka fyrir mál sem Repúblikanar og ríkisstjórn Donalds Trump hafa höfðað gegn Kaliforníu. Málið snýr að breytingum sem gerðar hafa verið á kjördæmum þar fyrir þingkosningarnar í nóvember en Repúblikanar vildu fá breytingarnar felldar niður, þar sem þær munu líklega koma niður á þingmannafjölda þeirra.

Sendi Trump tóninn vegna Taí­van

Xi Jinping og Donald Trump, forsetar Kína og Bandaríkjanna, áttu langt símtal í gær þar sem þeir eru sagðir hafa rætt hin ýmsu málefni sem snúa að samskiptum ríkjanna. Meðal annars ræddu þeir stöðuna í Íran og í Úkraínu og væntanlega heimsókn Trumps til Kína í vor en forsetarnir virðast ósammála um helsta málefni viðræðnanna og tón þeirra.

Segist sjá eftir hverri mínútu með Epstein

Bandaríski auðjöfurinn og mannvinurinn Bill Gates segist sjá eftir hverri mínútu sem hann varði með auðjöfrinum og barnaníðingnum Jeffrey Epstein. Hann segir kolrangt að hann hafi notað Epstein til að hafa mök við konur og hafi smitast af kynsjúkdómi. Það sé þvæla og Gates segist ekki vita hvað Epstein gekk til með því að skrifa það niður í tölvupósta sem hann sendi aldrei út.

Sjá meira

Mest lesið