Stallone setur ný viðmið um leyfilega sturlun í Rambo Last Blood
Karlmenn um og yfir fimmtugt fjölmenna nú á Rambo Last Blood. Þar sitja þeir þröngt og sáttir, njóta handbragðs John J. Rambo og leyfa nostalgíunni að flæða yfir sig. Sá gamli er jafn sturlaður og áður, ef ekki meira. Hann bryður lyfin sín, grefur göng, hótar unglingsstúlkum og brýtur bein. Heiðar Sumarliðason fékk blaðamanninn Þórarinn Þórarinsson og handritshöfundinn Hrafnkel Stefánsson til að ræða þessa fimmtu mynd Rambo kvikmyndabálksins. Te og kaffi býður upp á Stjörnubíó á X977.
