Ógleymanlegt augnablik með Laufeyju og handsaumuðu töskunni
Tæplega sextán þúsund manns sóttu tónleika með Laufeyju Lín í Kórnum í Kópavogi um liðna helgi. Tónleikarnir voru lokahnykkur A Matter of Time Evróputúrsins. Óhætt er að segja að Laufeyjaræði hafi gripið um sig meðal íslensku þjóðarinnar - og ekki aðeins þeirrar íslensku því gestir af ótal þjóðernum gerðu sér ferð til Íslands til að fá að upplifa töfrana. Þær Sóley Stella, Fríða María og Freyja móðir þeirra heillast allar af stórstjörnunni.
