Get unnið tíunda leikinn í röð í undan­keppni HM

Það hefur gengið vel í undankeppni Evrópumótsins undir stjórn Snorra Steins Guðjónssonar.

Íslenska liðið vann alla sex leiki sína í undankeppni síðasta Evrópumóts og það með 8,8 mörkum að meðaltali í leik.

Liðið vann alla leiki sína á móti Bosníu, Georgíu og Grikklandi í undankeppni EM 2026, þar af síðustu fjóra leikina með níu mörkum eða meira.

Þar á undan vann íslenska liðið þrjá síðustu leiki sína í undankeppni EM 2024.

Síðasta tapið og eini leikurinn í síðustu tveimur undankeppnum Evrópumóta sem Ísland hefur ekki unnið var úti á móti Tékkum 8. mars 2023.

Það þýðir að íslenska liðið getur unnið sinn tíunda leik í röð í undankeppni EM í kvöld.

Þegar kemur að heimaleikjum Íslands í undankeppni Evrópumótsins þá hefur íslenska liðið unnið tíu heimaleiki sína, alla í undankeppnum EM 2026, EM 2024 og EM 2022 auk síðasta leiksins í undankeppni EM 2020.

Síðasta tap á heimavelli í undankeppni EM var á móti Norður-Makedóníu 10. apríl 2019.