Bo Johans­son er látinn

Auk þess að stýra íslenska landsliðinu þá stýrði hann félagsliðum í Svíþjóð, Finnlandi, Danmörku og Noregi. Þá var Johansson landsliðsþjálfari Dana á HM í Frakklandi árið 1998 og á EM í Belgíu og Hollandi árið 2000. 

Bo Johansson var fæddur í Kalmar í Svíþjóð 28. nóvember árið 1942 og hóf þjálfaraferil sinn í Kalmar árið 1973 en hann flutti sig til nágrannaliðsins Östers árið 1979 og erði liðið að sænskum meisturum tvö ár í röð, árin 1980 og 1981.

Hann stýrði Panionos í Grikklandi áður en hann tók við sem landsliðsþjálfari Íslands árið 1990. Hann stýrði landsliðinu í undankeppninni fyrir EM árið 1992 en hætti áður en undankeppninni var lokið vegna fjölskylduaðstæðna. 

Á seinni árum stýrði Johansson meðal annars IFK Gautaborg í sænsku úrvalsdeildinni og Molde í Noregi sem hann gerði að bikarmeisturum þar í landi árið 2005.